കുവൈത്ത് സിറ്റി: ഔദ്യോഗിക സന്ദര്‍ശനത്തിനായി സെപ്റ്റംബർ 12ന് അമേരിക്കയിലേക്ക് പ ോയ കുവൈത്ത് അമീര്‍ ശൈഖ് സബാഹ് അല്‍ അഹ്മദ് അല്‍ ജാബിര്‍ അസ്സബാഹ് ബുധനാഴ്ച തിരിച്ചെത്തും. ഔദ്യോഗിക പരിപാടികളില്‍ പങ്കെടുക്കാനായി പോയ അമീര്‍ പിന്നീട് ചില ആരോഗ്യപ്രശ്‌നങ്ങള്‍ കാരണം അവിടെ ചികിത്സയിലായിരുന്നു. ഇപ്പോൾ ആരോഗ്യനില മെച്ചപ്പെട്ടതായി ഒൗദ്യോഗിക വൃത്തങ്ങളെ ഉദ്ധരിച്ച് അൽറായ് ദിനപത്രം റിപ്പോർട്ട് ചെയ്തു.
ദേശീയ ഗാര്‍ഡ് ഉപമേധാവി ശൈഖ് മിഷാല്‍ അല്‍ അഹ്മദ് അദ്ദേഹത്തെ അനുഗമിച്ചിരുന്നു. കിരീടാവകാശി ശൈഖ് നവാഫ് അല്‍ അഹ്മദ് അല്‍ ജാബിര്‍ അസ്സബാഹ്, പ്രധാനമന്ത്രി ശൈഖ് ജാബിര്‍ മുബാറക് അല്‍ ഹമദ് അസ്സബാഹ്, സ്പീക്കര്‍ മര്‍സൂഖ് അല്‍ ഗാനിം തുടങ്ങിയവര്‍ അമീറിനെ വിമാനത്താവളത്തില്‍ സ്വീകരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.