കുവൈത്ത് സിറ്റി: ഇറ്റലിയിൽ നടന്ന ഷോട്ട്ഗൺ ഓപൺ ഗ്രീൻകപ്പ് ഷൂട്ടിങ് ചാമ്പ്യൻഷിപ്പിൽ കുവൈത്ത് ദേശീയ ടീമിന് മെഡൽ നേട്ടം. ട്രാപ്ഷൂട്ടിങ് വിഭാഗത്തിൽ വെള്ളിയും വെങ്കലും നേടി യാണ് ദേശീയ ടീം നേട്ടം സ്വന്തമാക്കിയത്. ട്രാപ്ഷൂട്ടിങ് ഇനത്തിൽ അബ്ദുൽറഹ് മാൻ അൽ ഫൈഹാനാണ് രാജ്യത്തിനായി വെള്ളിമെഡൽ നേടിയത്. ദേശീയ ടീമിലെ മറ്റൊരംഗമായ മൻസൗർ അൽ റാഷിദി സ്കീറ്റ് ഷൂട്ടിങ് മത്സരത്തിൽ മൂന്നാംസ്ഥാനം നേടി വെങ്കല മെഡൽ സ്വന്തമാക്കി.
അന്താരാഷ്ട്ര മത്സരത്തിൽ കുവൈത്ത് ടീം കാഴ്ചവെച്ച പ്രകടനത്തിൽ താൻ അതീവ സംതൃപ്തനാണെന്ന് ടീം പരിശീലകൻ മുഹമ്മദ് മസ്‍യാദ് കുവൈത്ത് വാർത്ത ഏജൻസിയോട് ഇറ്റലിയിൽനിന്ന് പ്രതികരിച്ചു. മികച്ച നിലവാരം പുറത്തെടുക്കാൻ താരങ്ങൾക്ക് കഴിഞ്ഞു. രാജ്യാന്തര തലത്തിൽ നടക്കുന്ന ചാമ്പ്യൻഷിപ്പിലെ ഇൗ നേട്ടം മുന്നോട്ടുള്ള കുതിപ്പിന് പ്രചോദനം പകരുമെന്നും രാജ്യത്തുനിന്ന് ലഭിച്ച മികച്ച പിന്തുണയുടെയും പ്രോത്സാഹനത്തിെൻറയും ഫലമാണ് ദേശീയ ടീം നേടിയെടുത്ത അഭിമാനകരമായ വിജയമെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.