കുവൈത്ത് സിറ്റി: ക്യാപിറ്റല് ഗവര്ണറേറ്റിലെ മുനിസിപ്പാലിറ്റിയുടെ നേതൃത്വത്തില് നടത്തിയ പരിശോധനയിൽ നിയമം ലംഘിച്ചു കച്ചവടം നടത്തുന്നവരെ പിടികൂടി. തെരുവു കച്ചവ ടക്കാരെ കേന്ദ്രീകരിച്ചു നടത്തിയ പരിശോധനയില് ആറ് ഐസ്ക്രീംവണ്ടികൾ പിടിച്ചെടുത്തു. അനധികൃതമായി വിൽപന നടത്തിയ അഞ്ചു ലോറി ഭക്ഷണപദാർഥങ്ങൾ സംഘം കണ്ടുകെട്ടിയിട്ടുണ്ട്. 32 പേർക്ക് കനത്ത പിഴയും വിധിച്ചിട്ടുണ്ട്. ശുചിത്വ വകുപ്പിെൻറയും റോഡ് തൊഴില് വകുപ്പിെൻറയും സഹകരണത്തോടെയായിരുന്നു പരിശോധന.
വൈകീട്ട് ആറു മുതല് രണ്ടു മണിക്കൂര് നീണ്ട പരിശോധനയിലാണ് ഇത്രയും ഭക്ഷണപദാർഥങ്ങൾ പിടികൂടിയതെന്നു മുനിസിപ്പാലിറ്റി അധികൃതര് അറിയിച്ചു. തെരുവുകച്ചവടക്കാരെ നിരീക്ഷിക്കുന്നതിനായി ശുചിത്വവകുപ്പിെൻറ കീഴില് പുതിയ കര്മപദ്ധതി ആവിഷ്കരിച്ചിട്ടുണ്ടെന്നും തെരുവുകച്ചവടംമൂലം റോഡുകളിലും പരിസരപ്രദേശങ്ങളിലും മാലിന്യങ്ങള് നിറയുന്നുണ്ടെന്നും ശുചിത്വ വകുപ്പ് തലവന് ജമാല് അല് ഫദ്ലി വ്യക്തമാക്കി. അനധികൃതമായി വിൽപന നടത്തുന്ന തെരുവുകച്ചവടക്കാരെക്കുറിച്ചുള്ള വിവരങ്ങള് ലഭിച്ചാല് 139 എന്ന ഹോട്ട്ലൈന് നമ്പര് വഴിയോ മുനിസിപ്പാലിറ്റിയുടെ ഔദ്യോഗിക വെബ്സൈറ്റ് മുഖേനയോ അറിയിക്കണമെന്നും അധികൃതര് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.