കുവൈത്ത് സിറ്റി: ഒ.ഐ.സി.സി കുവൈത്ത് യൂത്ത് വിങ് അഭിമുഖ്യത്തിൽ നേതൃസംഗമം നടത്തി. അങ് കമാലി എം.എൽ.എയും എൻ.എസ്.യു മുൻ ദേശീയ പ്രസിഡൻറുമായ റോജി എം. ജോൺ ഉദ്ഘാടനം ചെയ്തു. ഭര ണപരാജയം മറച്ചുവെക്കാനും ജനശ്രദ്ധതിരിക്കാനും നടത്തുന്ന ശ്രമങ്ങളുടെ ഭാഗമാണ് സംസ്ഥാനത്ത് പിണറായി വിജയൻ സർക്കാറും കേന്ദ്രത്തിൽ നരേന്ദ്ര മോദി സർക്കാറും നടത്തുന്ന അക്രമങ്ങളും കലാപങ്ങളുമെന്ന് അദ്ദേഹം അഭിപ്രായപ്പെട്ടു. ഓൾ ഇന്ത്യ മഹിള കോൺഗ്രസ് ജനറൽ സെക്രട്ടറി ഡോ. ഒനിക മൽഹോത്ര മുഖ്യപ്രഭാഷണം നടത്തി.
ഇക്കഴിഞ്ഞ സംസ്ഥാന തെരഞ്ഞെടുപ്പുകളിൽ ഇന്ത്യയുടെ ഹൃദയഭൂമിയിൽ കോൺഗ്രസ് നേടിയ വിജയം രാജ്യത്തിെൻറയും കോൺഗ്രസിെൻറയും തിരിച്ചുവരവിനെയാണ് സൂചിപ്പിക്കുന്നതെന്ന് അവർ പറഞ്ഞു. യൂത്ത് വിങ് വൈസ് പ്രസിഡൻറ് ഷോബിൻ സണ്ണി അധ്യക്ഷത വഹിച്ചു. കുവൈത്ത് ഒ.ഐ.സി.സി പ്രസിഡൻറ് വർഗീസ് പുതുക്കുളങ്ങര, യൂത്ത് വിങ് വൈസ് പ്രസിഡൻറുമാരായ ഷബീർ കൊയിലാണ്ടി, ചന്ദ്രമോഹൻ, യൂത്ത് വിങ് ജനറൽ സെക്രട്ടറി അഖിലേഷ് മാലൂർ എന്നിവർ സംസാരിച്ചു. യൂത്ത് വിങ് ജനറൽ സെക്രട്ടറി ഇല്ലിയാസ് പൊതുവാച്ചേരി സ്വാഗതവും ജോയൻറ് ട്രഷറർ ഹസീബ് കീപ്പാട്ട് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.