കുവൈത്ത് സിറ്റി: റിഗ്ഗഇയിൽ പുതുതായി നിർമാണം പൂർത്തിയാക്കിയ ഫർവാനിയ ഗവർണറേറ്റി ലെ ഇഖാമ കാര്യാലയം ഞായറാഴ്ച മുതൽ പ്രവർത്തനം ആരംഭിക്കും. ആഭ്യന്തരമന്ത്രാലയം വാർത്തക്കുറിപ്പിലൂടെ അറിയിച്ചതാണിത്. റിഗ്ഗഇയിലെ മാൻപവർ അതോറിറ്റി കെട്ടിടത്തിന് സമീപമാണ് പുതിയ പാസ്പോർട്ട്-ഇഖാമ കാര്യാലയം പ്രവർത്തിക്കുക. ഇതിന് മുമ്പ് റെസിഡൻഷ്യൽ നടപടികൾ പൂർത്തിയാക്കുന്നതിന് ദജീജിലെ ഇഖാമ കാര്യാലയത്തെയായിരുന്നു ഫർവാനിയ ഗവർണറേറ്റിലുള്ളവർ സമീപിക്കേണ്ടിയിരുന്നത്. വകുപ്പിൽ പരിഷ്കരണം ഏർപ്പെടുത്തുന്നതിെൻറ ഭാഗമായാണ് ആധുനിക സംവിധാനങ്ങൾ ഒരുക്കി പുതിയ കെട്ടിടത്തിലേക്ക് മാറ്റുന്നതെന്ന് അധികൃതർ പറഞ്ഞു. റിഗ്ഗഇയിലേക്ക് മാറ്റുന്നതിെൻറ ഭാഗമായി കഴിഞ്ഞ ഒരാഴ്ചയായി ദജീജിലെ ഇഖാമകാര്യാലയത്തിൽ പ്രവർത്തനം നിർത്തിവെച്ചിരിക്കുകയായിരുന്നു. ഫർവാനിയ ഗവർണറേറ്റിലെ താമസക്കാർക്ക് മറ്റ് ഗവർണറേറ്റുകളിലെ ഇഖാമ കാര്യാലയങ്ങളിൽ ഇടപാടുകൾ പൂർത്തീകരിക്കാൻ സൗകര്യം ഒരുക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.