കുവൈത്ത് സിറ്റി: കണ്ണൂർ അന്താരാഷ്ട്ര വിമാനത്താവളത്തിൽനിന്ന് കുവൈത്തിലേക്ക് വി മാന സർവിസ് ആരംഭിക്കുന്നതിനുള്ള പരിശ്രമത്തിന് പിന്തുണ തേടി കുവൈത്ത് കെ.എം.സി.സി കണ്ണൂർ ജില്ല കമ്മിറ്റി പ്രതിനിധികൾ കിയാൽ ഡയറക്ടർ കൂടിയായ വ്യവസായമന്ത്രി ഇ.പി ജയരാജനെ സമീപിച്ചു. ഈ പ്രദേശങ്ങളിൽനിന്ന് വിദേശത്തുള്ളവരിൽ ഗണ്യമായ വിഭാഗം കുവൈത്തിൽ തൊഴിൽ ചെയ്യുന്നവരാണ്. സ്വന്തം പ്രദേശത്ത് വിമാനത്താവളം പ്രവർത്തനക്ഷമമായിട്ടും അതിെൻറ ഗുണഭോക്താക്കളാകാൻ കുവൈത്ത് പ്രവാസികൾക്ക് ഇനിയും കാത്തിരിക്കേണ്ടിവരുന്ന അവസ്ഥ പരിഹരിക്കണമെന്ന് നിവേദനത്തിൽ ആവശ്യപ്പെട്ടു. കണ്ണൂർ ജില്ല കമ്മിറ്റി പ്രതിനിധികളായ ട്രഷറർ സുഹൈൽ അബൂബക്കർ, വൈസ് പ്രസിഡൻറ് ശുഐബ് ധർമടം, സെക്രട്ടറി ഷമീദ്, കൂത്തുപറമ്പ് മണ്ഡലം പ്രസിഡൻറ് പി.വി. മൂസ പാറാട്, കണിയാങ്കണ്ടി അബ്ദുല്ല പാറാട്, മണ്ഡലം ട്രഷറർ കെ.കെ. ബഷീർ തുടങ്ങിയവർ ഉൾപ്പെടുന്ന സംഘമാണ് നിവേദനം നൽകിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.