കുവൈത്ത് സിറ്റി: അമേരിക്കൻ സ്റ്റേറ്റ് സെക്രട്ടറി മൈക്ക് പോംപിയോയുടെ കുവൈത്ത് സന് ദർശനത്തിനിടെ ഇരു രാജ്യങ്ങൾക്കിടയിൽ പുതിയ പ്രതിരോധ കരാറിൽ ഒപ്പുവെക്കുമെന്ന് റ ിപ്പോർട്ട്. കുവൈത്ത് വാർത്ത ഏജൻസിയുമായുള്ള അഭിമുഖത്തിൽ കുവൈത്ത് വിദേശകാര്യ അസിസ്റ്റൻറ് അണ്ടർ സെക്രട്ടറി രീം അൽ ഖാലിദ് ആണ് ഇക്കാര്യം വ്യക്തമാക്കിയത്. ജി.സി.സി സന്ദർശന ഭാഗമായി ചൊവ്വാഴ്ചയാണ് മൈക്ക് പോംപിയോ കുവൈത്തിലെത്തുന്നത്.
കഴിഞ്ഞ സെപ്റ്റംബറിൽ അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹ് നടത്തിയ യു.എസ് സന്ദർശനത്തിനിടെ ഇരുരാജ്യങ്ങൾക്കിടയിലെ സഹകരണം ശക്തിപ്പെടുത്തുന്ന ഒന്നിലധികം കരാറുകളിൽ ഒപ്പുവെച്ചിരുന്നു. ഔദ്യോഗിക സംഘത്തെ നയിച്ചുകൊണ്ടെത്തുന്ന യു.എസ് സ്റ്റേറ്റ് സെക്രട്ടറി അമീറുമായും വിദേശകാര്യ മന്ത്രി ശൈഖ് സബാഹ് അൽ ഖാലിദുമായും വെവ്വേറെ ചർച്ചകൾ നടത്തും. മൂന്നാമത് കുവൈത്ത്-യു.എസ് ചർച്ചാ സമ്മേളനത്തിൽ സംബന്ധിക്കുന്നതിന് കൂടിയാണ് പോംപിയോ കുവൈത്തിലെത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.