കുവൈത്ത്: കിഫ് ഫുട്ബാൾ ലീഗിെൻറ രണ്ടാം റൗണ്ടിൽ പെൻ ഫ്രൻഡ്സ്, ഗോവ മറൂൺസ്, യു.ജി.സി ടീമുകൾക്ക് ജയം. തുടക്കം മുതൽ ആക്രമിച്ചു കളിച്ച പെൻ ഫ്രൻഡ്സ് ഒന്നിനെതിരെ മൂന്നു ഗോളുകൾക്ക് സാേൻറാസ് യുനൈറ്റഡിനെ തോൽപിച്ചു. അനസ്, സബീഹ് എന്നിവർ ഗോളുകൾ നേടി. രണ്ടാം മത്സരത്തിൽ ഗോവ മറൂൺസ് ഏകപക്ഷീയമായ ഒരു ഗോളിന് സ്പാർക്സ് എഫ്.സിയെ തോൽപിച്ചു. ഗോൾരഹിത സമനിലയിൽ കലാശിക്കുമെന്ന് കരുതിയ മത്സരത്തിൽ ഗോൾകീപ്പറുടെ അശ്രദ്ധ മുതലെടുത്ത് ഫാസിൽ നൽകിയ പാസിൽനിന്ന് മയ്റോൺ സ്പാർക്സിെൻറ വല ചലിപ്പിച്ചു. അവസാന മത്സരത്തിൽ നായകൻ ദിനിലിെൻറ മിന്നുന്ന പ്രകടനത്തോടെ മത്സരത്തിൽ തുടക്കം മുതൽ ആധിപത്യം പുലർത്തിയ യു.ജി.സി സോക്കർ കേരളയെ 2-0ത്തിന് തോൽപിച്ചു. പ്രത്യാക്രമണം നടത്തിയെങ്കിലും സോക്കർ കേരളക്ക് ഗോൾ നേടാനായില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.