കുവൈത്ത് സിറ്റി: സംഘടനകളോടുള്ള എംബസിയുടെ വിവേചന നടപടികൾക്കെതിരെ പ്രതിഷേധിക്കാൻ രൂപവത്കരിച്ച ഫെഡറേഷൻ ഓഫ് ഇന്ത്യൻ രജിസ്ട്രേഡ് അസോസിയേഷൻ (ഫിറ കുവൈത്ത്) യോഗം അബ്ബാസിയ ഫോക് ഒാഡിറ്റോറിയത്തിൽ നടന്നു. കൺവീനർമാരും ലോക കേരള സഭാംഗങ്ങളുമായ ബാബു ഫ്രാൻസിസ്, ശ്രീംലാൽ എന്നിവരും നേതൃത്വം നൽകി. നേരിട്ടും കത്തു മുഖേനയും ഇന്ത്യൻ എംബസിയെ സമീപിച്ചിട്ടും കൂടിക്കാഴ്ചക്കോ വിദേശകാര്യ മന്ത്രി സുഷമ സ്വരാജ് പങ്കെടുക്കുന്ന പ്രവാസി സമൂഹത്തിെൻറ യോഗത്തിൽ പെങ്കടുക്കാനോ അവസരം നൽകാത്തതിൽ യോഗം പ്രതിഷേധിച്ചു. കുവൈത്തിലെ പ്രവാസികളിൽ ഭൂരിഭാഗവും കേരളീയരായിരിക്കെ കേരള സർക്കാറിെൻറ പ്രവാസി പ്രതിനിധികളെയും രജിസ്ട്രേഷൻ നിലവിലുള്ള പ്രധാനപ്പെട്ട സംഘടന പ്രതിനിധികളെയും ഒഴിവാക്കിയതിനെതിരെ ഇടപെടൽ ശക്തമാക്കാൻ തീരുമാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.