കുവൈത്ത് സിറ്റി: നാലു ദശലക്ഷം ദീനാർ വിലയുള്ള മരുന്ന് മോഷണം പോയ സംഭവത്തിൽ രണ്ടു സ്വദേശികളെയും ഒരു ഇൗജിപ്ഷ്യൻ പൗരനെയും അറസ്റ്റ് ചെയ്തു. വിദേശ മരുന്നു കമ്പനി ലോജിസ്റ്റിക് കമ്പനി വഴി ഇറക്കുമതി ചെയ്ത മരുന്നാണ് സുലൈബിയയിലെ സംഭരണ കേന്ദ്രത്തിൽനിന്ന് മോഷണം പോയത്. ഞരമ്പുവേദനക്ക് ഉപയോഗിക്കുന്ന ലിറിക്ക എന്ന ഗുളികയാണ് മോഷ്ടിച്ച് കരിഞ്ചന്തയിൽ വിൽപന നടത്തിയത്. 20 ഗുളിക വീതമുള്ള 10,000 സ്ട്രിപ് ആണ് കാണാതായത്. ഒരു സ്ട്രിപ്പിന് 40 ദീനാർ വില വരും. ഇവ 20 ദീനാറിനാണ് കരിഞ്ചന്തയിൽ വിറ്റത്. പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. പ്രതികളെ നിയമനടപടികൾക്കായി ബന്ധപ്പെട്ട വകുപ്പിന് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.