കുവൈത്ത് സിറ്റി: കുബ്ബാർ ദ്വീപിൽ കടലിനടിയിലൂടെയുള്ള കേബിളുകൾ കുവൈത്ത് ഡൈവ് ടീം, എൻവയൺമെൻറൽ വളൻററി ഫൗണ്ടേഷൻ എന്നിവയുടെ നേതൃത്വത്തിൽ മാറ്റിസ്ഥാപിച്ചു. വാർഷിക അറ്റകുറ്റപ്പണികളുടെ ഭാഗമായാണ് 24 കേബിളുകൾ മാറ്റിയതെന്ന് ടീം മേധാവി വലീദ് അൽ ഫാദിൽ കുവൈത്ത് വാർത്ത ഏജൻസിയോട് പറഞ്ഞു.
ബോട്ടുകളുടെയും കപ്പലുകളുടെയും സഞ്ചാരം പവിഴപ്പുറ്റുകളെ നശിപ്പിക്കാതിരിക്കാനാണ് അടയാളമായി കേബിളുകൾ സ്ഥാപിക്കുന്നത്. ബോട്ടുകൾ കടലിലെ പാറക്കൂട്ടങ്ങളിൽ ഇടിക്കാതെ സുഗമമായ സഞ്ചാരപാത കാണിച്ചുകൊടുക്കുന്നത് ഇത്തരം അടയാളങ്ങളാണ്. എല്ലാ വർഷവും ഇവ അറ്റകുറ്റപ്പണി നടത്തുകയോ മാറ്റിസ്ഥാപിക്കുകയോ ചെയ്യാറുണ്ട്. മോശം കാലാവസ്ഥയിൽ പോലും ഇൗ അടയാളങ്ങൾ കാണാൻ കഴിയുന്നു. സുരക്ഷ ഉറപ്പുവരുത്തുന്നതിന് 1997ലാണ് ഇത്തരം കേബിളുകൾ സ്ഥാപിച്ചതെന്ന് വലീദ് അൽ ഫാദിൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.