കുവൈത്ത് സിറ്റി: തൊഴിൽ, സാമൂഹികക്ഷേമ മന്ത്രാലയത്തിന് കീഴിലുള്ള വിവാഹ ഒാഡിറ്റോറിയം വാടകക്ക് എടുക്കുേമ്പാൾ ഇനി 100 ദീനാർ ഇൻഷുറൻസ് തുകകൂടി കെട്ടിവെക്കണം. 100 ദീനാർ വാടകക്കു പുറമെയാണിത്. ഉത്തരവിന് അടിയന്തര പ്രാബല്യമുണ്ട്. എന്തെങ്കിലും തരത്തിലുള്ള കേടുപാടുകൾ വരുകയാണെങ്കിൽ അറ്റകുറ്റപ്പണി നടത്താനാണിത്. ഹാൾ വാടക 100ൽനിന്ന് 200 ദീനാർ ആക്കാനുള്ള ശിപാർശ ധനമന്ത്രാലയത്തിന് സമർപ്പിച്ചിരിക്കുകയാണെന്ന് സാമൂഹികക്ഷേമ മന്ത്രാലയം അണ്ടർ സെക്രട്ടറി സഅദ് അൽ ഖറാസ് പ്രാദേശിക പത്രത്തോട് വ്യക്തമാക്കി. നേരേത്ത ഇൻഷുറൻസ് തുക മുൻകൂർ ഇൗടാക്കാൻ ഉത്തരവിട്ടിരുന്നെങ്കിലും പിന്നീട് റദ്ദാക്കുകയായിരുന്നു. വാടകയായി ലഭിക്കുന്നതിനെക്കാൾ അധികം തുക അറ്റകുറ്റപ്പണിക്ക് വേണ്ടിവരുന്നതായി ബോധ്യമായതോടെയാണ് വീണ്ടും ഇൻഷുറൻസ് തുക ഇൗടാക്കാൻ തീരുമാനിച്ചതെന്ന് അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.