കുവൈത്ത് സിറ്റി: വിശ്വകർമ ഓർഗനൈസേഷൻ ഫോർ ഐഡിയൽ കരിയർ ആൻഡ് എജുക്കേഷൻ (വോയ്സ് കുവൈത്ത്) കുടുംബസംഗമം സംഘടിപ്പിച്ചു. അബ്ബാസിയ ഹൈഡൈൻ ഓഡിറ്റോറിയത്തിൽ നടന്ന പരിപാടി അജാനൂർ ശ്രീമദ് പരശിവ വിശ്വകർമ ക്ഷേത്രം നവീകരണ കമ്മിറ്റി കുവൈത്ത് രക്ഷാധികാരി കേളോത്ത് വിജയൻ ഉദ്ഘാടനം ചെയ്തു. പ്രസിഡൻറ് കെ. വിജയൻ അധ്യക്ഷത വഹിച്ചു. ജനറൽ സെക്രട്ടറി സുശാന്ത് സുകുമാരൻ പ്രവർത്തന റിപ്പോർട്ട് അവതരിപ്പിച്ചു. വോയ്സ് രക്ഷാധികാരി പി.ജി. ബിനു, വൈസ് പ്രസിഡൻറ് എം.പി. ബാബുരാജ്, ഓർഗനൈസിങ് സെക്രട്ടറി പി. ചന്ദ്രശേഖരൻ, വനിതാവേദി ചെയർപേഴ്സൻ സരിത രാജൻ, പ്രസിഡൻറ് ശ്രീജ രവി, കെ. ബിബിൻ ദാസ്, കെ.വി. ഷാജി, എം. ഹരിദാസൻ എന്നിവർ സംസാരിച്ചു. കേരള സർവകലാശാല ബി.എസ്സി ബയോകെമിസ്ട്രി പരീക്ഷയിൽ രണ്ടാം റാങ്ക് നേടിയ തനിമ എസ്. ചന്ദ്രന് രക്ഷാധികാരി പി.ജി. ബിനു ഉപഹാരം കൈമാറി. ജി.പി. ബിജു സ്വാഗതവും ജോയ് നന്ദനം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.