കുവൈത്ത് സിറ്റി: ഭാവൻസ് മെഗാ ഇൻറർ സ്കൂൾ ക്വിസ് മത്സരത്തിൽ യുനൈറ്റഡ് ഇന്ത്യൻ സ്കൂൾ ഒന്നാംസ്ഥാനം നേടി. അക്സ മെറിൻ ഏബ്രഹാം, റമീസ് മുഹമ്മദ് എന്നിവരാണ് യുനൈറ്റഡ് ഇന്ത്യൻ സ്കൂളിനുവേണ്ടി പുരസ്കാരം നേടിയത്. ഇന്ത്യൻ കമ്യൂണിറ്റി സ്കൂൾ രണ്ടാംസ്ഥാനവും ഗൾഫ് ഇന്ത്യൻ സ്കൂൾ മൂന്നാം സ്ഥാനവും നേടി. ഒന്നാം സ്ഥാനക്കാർക്ക് 500 ദീനാറും രണ്ടാംസ്ഥാനക്കാർക്ക് 330 ദീനാറും മൂന്നാം സ്ഥാനക്കാർക്ക് 200 ദിനാറും സമ്മാനം ലഭിച്ചു.
കുവൈത്തിലെ വിവിധ ഇന്ത്യൻ സ്കൂളുകളിൽനിന്ന് നൂറുക്കണക്കിനു കുട്ടികൾ പങ്കെടുത്ത എലിമിനേഷൻ റൗണ്ടിനു ശേഷം ആറ് ടീമുകൾ ഫൈനൽ റൗണ്ടിൽ മത്സരിച്ചു. അലൻ ആൻഡ്രൂസ് ട്രോഫികൾ വിതരണം ചെയ്തു. ഭാവൻസ് മിഡിൽ ഈസ്റ്റ് ചെയർമാൻ രാമചന്ദ്ര മേനോൻ, പ്രിൻസിപ്പൽ പ്രേം കുമാർ, സ്മാർട് ഇന്ത്യ സ്കൂൾ പ്രിൻസിപ്പൽ മഹേഷ് അയ്യർ, ജാക്ക് ആൻഡ് ജിൽ മംഗഫ് പ്രിൻസിപ്പൽ രതി രവീന്ദ്രൻ, സ്കൂൾ ഹെഡ്ഗേൾ ആലിയ യാസിറ സഗീർ, ഹെഡ് ബോയ് സാമുവൽ ജോൺ ഏബ്രഹാം എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.