കുവൈത്ത് സിറ്റി: ലോകത്തെ സമ്പന്നരാജ്യങ്ങളുടെ പട്ടികയിൽ കുവൈത്ത് 39ാം സ്ഥാനത്ത്. അറബ് രാജ്യങ്ങളുടെ പട്ടികയിൽ മൂന്നാം സ്ഥാനത്താണ് കുവൈത്ത്. ആളോഹരി ജി.ഡി.പിയുടെ അടിസ്ഥാനത്തിലാണ് അമേരിക്കൻ മാഗസിനായ സി.ഇ.ഒ വേൾഡ് പട്ടിക തയാറാക്കിയത്. കുവൈത്തിെൻറ ആളോഹരി ജി.ഡി.പി 25,390 ഡോളറാണ്. ഏറ്റവും സമ്പന്നമായ അറബ് രാജ്യം ഖത്തറാണ്. ഖത്തറിെൻറ ആളോഹരി ജി.ഡി.പി 59,143 ഡോളറാണ്. ലോകതലത്തിൽ അവർ പത്താമതാണ്. 35,171 ഡോളർ വിഹിതമുള്ള യു.എ.ഇ ലോകതലത്തിൽ 26ാമതും അറബ് രാജ്യങ്ങളിൽ രണ്ടാമതുമാണ്. പട്ടികയനുസരിച്ച് ലക്സംബർഗ് ആണ് ലോകത്തിലെ സമ്പന്നരാജ്യം. സ്വിറ്റ്സർലൻഡ് രണ്ടാമതും അയർലൻഡ് മൂന്നാമതുമാണ്. കോവിഡ് പ്രതിസന്ധിയിൽ മുഖ്യവരുമാനമായ എണ്ണവില കൂപ്പുകുത്തിയിട്ടും കുവൈത്ത് സമ്പദ്വ്യവസ്ഥയുടെ അടിത്തറ ഭദ്രമാണ്. ബജറ്റ് കമ്മി കാണിക്കുന്നുവെങ്കിലും മുൻകാല നീക്കിയിരിപ്പും നിക്ഷേപങ്ങളും രാജ്യത്തിന് കരുത്തു പകരുന്നു. ബജറ്റ് മിച്ചമുള്ള വർഷങ്ങളിൽ വൻതുക കുവൈത്ത് വിവിധ രാജ്യങ്ങളിൽ നിക്ഷേപിച്ചിട്ടുണ്ട്. അതേസമയം, ലിക്വിഡിറ്റി ക്ഷാമം കാരണം നടപ്പുവർഷം കടമെടുക്കേണ്ട സ്ഥിതിയുണ്ട്. ഇത് രാജ്യത്തിെൻറ സമ്പദ്വ്യവസ്ഥയുടെ അടിത്തറയെ ബാധിക്കുന്നതല്ല എന്നാണ് വിലയിരുത്തൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.