ഈസ, യഹ്യ മുഹമ്മദ്, ഷെസ മെഹറിഷ്, ഹയാ ഫാത്തിമ
കുവൈത്ത് സിറ്റി: കെ.എൻ.എം വിദ്യാഭ്യാസ ബോർഡ് അഞ്ച്,ഏഴ്,പത്ത് ക്ലാസുകൾക്കുള്ള ഗൾഫ് സെക്ടർ പൊതുപരീക്ഷയുടെ ഫലം പ്രസിദ്ധീകരിച്ചു.
പരീക്ഷയിൽ കുവൈത്ത് ഇന്ത്യൻ ഹുദ സെന്ററിന്റെ നേതൃത്വത്തിൽ പ്രവർത്തിക്കുന്ന മിശ്കാത്തുൽ ഹുദ മദ്റസ കേന്ദ്രമായി പരീക്ഷയെഴുതിയ വിദ്യാർഥികൾ ഉന്നത വിജയം കരസ്ഥമാക്കി.
വെക്കേഷൻ സമയത്ത് നാട്ടിൽനിന്നും സന്ദർശനത്തിലുണ്ടായിരുന്ന കുട്ടികളും കുവൈത്ത് കേന്ദ്രമായി പരീക്ഷയെഴുതിയിരുന്നു.
പരീക്ഷയിൽ പങ്കെടുത്ത എല്ലാ വിദ്യാർഥികൾക്കും കുവൈത്ത് ഇന്ത്യൻ ഹുദ സെന്റർ അഭിനന്ദനങ്ങൾ അറിയിച്ചു. പൊതു പരീക്ഷയിൽ അഞ്ചാം ക്ലാസിൽ ഈസ ഒന്നാം റാങ്ക് കരസ്ഥമാക്കി.
ഏഴാം ക്ലാസിൽ യഹ്യ മുഹമ്മദ് ഒന്നാം റാങ്കും, ഷെസ മെഹറിഷ് രണ്ടാം റാങ്കും കരസ്ഥമാക്കി.
കുവൈത്ത് സെന്ററിൽനിന്നും പരീക്ഷയെഴുതിയ ഹയാ ഫാത്തിമ ഉന്നത വിജയം നേടി. സബാഹിയ ദാറുൽ ഖുർആൻ കേന്ദ്രമായി പ്രവർത്തിക്കുന്ന മിശ്കാത്തുൽ ഹുദ മദ്റസയിൽ പുതിയ അധ്യയനവർഷത്തേക്കുള്ള അഡ്മിഷൻ ആരംഭിച്ചതായി പ്രിൻസിപ്പൽ അബ്ദുല്ല കാരക്കുന്ന് അറിയിച്ചു.
വിവരങ്ങൾക്ക് 66657387, 60756740, 66980663.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.