കുവൈത്ത് സിറ്റി: കാട്ടാനയുടെ ആക്രമണത്തിൽ മാതൃഭൂമി വാർത്ത ചാനൽ കാമറാമാൻ കൊല്ലപ്പെട്ട സംഭവത്തില്‍ കേരള പ്രസ് ക്ലബ് കുവൈത്ത് അനുശോചിച്ചു. മാതൃഭൂമി ന്യൂസ്‌ പാലക്കാട് ബ്യൂറോയിലെ കാമറാമാനും മലപ്പുറം പരപ്പനങ്ങാടി സ്വദേശിയുമായ എ.വി. മുകേഷ് ആണ് കൊല്ലപ്പെട്ടത്. പാലക്കാട് കൊട്ടെക്കാട് കാട്ടാനയുടെ ദൃശ്യങ്ങൾ പകർത്തുന്നതിനിടെയാണ് സംഭവം. കാട്ടാനക്കൂട്ടം പുഴ മുറിച്ചു കടക്കുന്നതിന്‍റെ ദൃശ്യം പകർത്തുന്നതിനിടെയാണ് ആന ആക്രമിച്ചത്. ജോലിക്കിടെയുള്ള ഇത്തരം ദുരന്തങ്ങൾ എറെ സങ്കടകരമാണെന്നും കേരള പ്രസ് ക്ലബ് കുവൈത്ത് അനുശോചന കുറിപ്പിൽ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.