ജൂബിലി വേദ മഹാവിദ്യാലയത്തിന്റെ ഒ.വി.ബി.എസ് സമാപനഭാഗമായി കുട്ടികൾ നടത്തിയ കലാപരിപാടി
കുവൈത്ത് സിറ്റി: സെന്റ് ഗ്രിഗോറിയോസ് ഇന്ത്യൻ ഓർത്തഡോക്സ് മഹാ ഇടവകയുടെ സൺഡേ സ്കൂളായ ജൂബിലി വേദ മഹാവിദ്യാലയത്തിന്റെ ആഭിമുഖ്യത്തിലുള്ള ഓർത്തഡോക്സ് വെക്കേഷൻ ബൈബ്ൾ സ്കൂൾ (ഒ.വി.ബി.എസ്) സമാപിച്ചു. നാഷനൽ ഇവാഞ്ചലിക്കൽ ദേവാലയാങ്കണത്തിൽ നടന്ന കുട്ടികളുടെ വർണശബളമായ ഘോഷയാത്രയോടെ പരിപാടികൾ ആരംഭിച്ചു.
ജെസി ജെയ്സന്റെ നേതൃത്വത്തിലുള്ള ഒ.വി.ബി.എസ് ഗായകസംഘം പ്രാർഥനഗാനം നടത്തി. സെന്റ് ഗ്രിഗോറിയോസ് മഹാഇടവക വികാരി ഫാ. ലിജു കെ. പൊന്നച്ചൻ അധ്യക്ഷത വഹിച്ചു. ഒ.വി.ബി.എസ് ഡയറക്ടർ ഫാ. ഡിനു എം. ഡാനിയേൽ, സൺഡേ സ്കൂൾ ഹെഡ്മാസ്റ്റർ ഷിബു പി. അലക്സ് എന്നിവർ സംസാരിച്ചു. ഒ.വി.ബി.എസ് ഡെപ്യൂട്ടി സൂപ്രണ്ട് ജിജു ജോൺ റിപ്പോർട്ട് അവതരിപ്പിച്ചു. ഇടവക ട്രസ്റ്റി സാബു എലിയാസ് സ്വാഗതവും ഒ.വി.ബി.എസ് സൂപ്രണ്ട് ബിജോ ഡേവിഡ് നന്ദിയും പറഞ്ഞു.
ഫാ. ഗീവർഗീസ്, ഇടവക ആക്ടിങ് സെക്രട്ടറി ടോണി ജോസഫ്, ഭദ്രാസന കൗൺസിൽ അംഗം ദീപക് പണിക്കർ, സൺഡേ സ്കൂൾ ട്രഷറർ ഷെറി കുര്യൻ, സെക്രട്ടറി എബി സാമുവേൽ എന്നിവർ സന്നിഹിതരായി. ഒ.വി.ബി.എസ് സ്റ്റാർ-2022 ആയി ജെയ്ഡൻ ജോണിനെയും റണ്ണർഅപ്പായി ജൊവാന മിറിയം ജോജിയെയും തെരഞ്ഞെടുത്തു. സൺഡേ സ്കൂൾ ഹെഡ്ബോയ് ജോഷ് ബിജി വർഗീസ്, ഹെഡ്ഗേൾ ക്രിസ്ലിൻ ആൻ ജിനു എന്നിവർ പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.