കുവൈത്ത് സിറ്റി: കുവൈത്തിൽ തുടരുന്ന സുരക്ഷ പരിശോധനയിൽ 30 പേർ കൂടി അറസ്റ്റിലായി. ഒരാഴ്ചയിലേറെയായി രാജ്യത്തിന്റെ വിവിധ ഭാഗങ്ങളിൽ പരിശോധന തുടരുകയാണ്. പിടിയിലാകുന്നവരെ പാർപ്പിച്ച് ജയിൽ നിറയാനായതിനാൽ പരിശോധനക്ക് വേഗം കുറച്ചിട്ടുണ്ട്.
പിടിയിലാകുന്നവരുടെ നാടുകടത്തൽ നടപടിക്രമങ്ങൾ വേഗത്തിലാക്കാൻ ബന്ധപ്പെട്ട വകുപ്പിന് ആഭ്യന്തര മന്ത്രാലയം നിർദേശം നൽകിയിട്ടുണ്ട്. ബുധനാഴ്ച ജഹ്റ ഗവർണറേറ്റിലാണ് പരിശോധന നടന്നത്. 15 പേർ താമസ നിയമലംഘകരും എട്ടുപേരുടെ വിസ കാലാവധി കഴിഞ്ഞതും ഏഴുപേർ തിരിച്ചറിയൽ രേഖകളും കൈവശംവെക്കാത്തവരും ആയിരുന്നുവെന്ന് ജഹ്റ ഗവർണറേറ്റിലെ ജനറൽ അഡ്മിനിസ്‌ട്രേഷൻ ഓഫ് റെസിഡൻസി അഫയേഴ്‌സ് ഉദ്യോഗസ്ഥർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.