കുവൈത്ത്സിറ്റി: അബ്ബാസിയയിൽ പ്രവർത്തിക്കുന്ന എജുക്കേഷൻ കോച്ചിങ് സെന്ററായ ആർ.ഇ.ജി ഇംഗ്ലീഷ് ഭാഷാപ്രാവീണ്യം പരിശോധിക്കുന്ന ഐ.ഇ.എൽ.ടി.എസ് പരീക്ഷ സംഘടിപ്പിച്ചു. അബ്ബാസിയയിൽ ആദ്യമായാണ് ഐ.ഇ.എൽ.ടി.എസ് പരീക്ഷ സെന്റർ അനുവദിക്കുന്നത്.
അബ്ബാസിയയിലെ മലയാളികളുടെ ഏറെ കാലത്തെ ആഗ്രഹമായിരുന്നു തൊട്ടടുത്ത് പരീക്ഷ എഴുതാൻ അവസരം ലഭിക്കൽ. ആർ.ഇ.ജി എജുക്കേഷൻ സെന്ററിൽ നടന്ന ആദ്യ പരീക്ഷയിൽ 20 കുട്ടികൾ പങ്കെടുത്തു. പരീക്ഷ ആർ.ഇ.ജി ബ്രാഞ്ച് ഹെഡ് കുഞ്ഞുമോൻ മജീദ് നിയന്ത്രിച്ചു. ആദ്യമായാണ് ഐ.ഡി.പി അബ്ബാസിയയിൽ പരീക്ഷ സെന്റർ നൽകുന്നത്.
എഴുത്തു പരീക്ഷ ആണ് നടന്നത്. കമ്പ്യൂട്ടർ ബേസ്ഡ് പരീക്ഷക്ക് താമസിയാതെ അനുമതി ലഭിക്കുമെന്നും ആർ.ഇ.ജി എജുക്കേഷൻ സെന്റർ ഡയറക്ടർ അജ്മൽ സമദ് അറിയിച്ചു.
അടുത്ത പരീക്ഷ ഫെബ്രുവരി 17 ന് നടക്കുമെന്നും അദ്ദേഹം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.