ആശുപത്രികളിൽ ഇന്ധനം തീർന്നു: അനസ്തേഷ്യയില്ലാതെ ശസ്ത്രക്രിയ; ബേക്കറികളും പ്രയാസത്തിൽ

കു​വൈ​ത്ത് സി​റ്റി: ഗ​സ്സ​യി​ൽ ഫ​ല​സ്തീ​നി​ക​ൾ​ക്കെ​തി​രെ ന​ട​ന്നു​കൊ​ണ്ടി​രി​ക്കു​ന്ന യു​ദ്ധ​വും ഇ​സ്രാ​യേ​ൽ അ​ധി​നി​വേ​ശ​വും അ​വ​സാ​നി​പ്പി​ക്കാ​ൻ കു​വൈ​ത്ത് റെ​ഡ് ക്ര​സ​ന്റ് സൊ​സൈ​റ്റി (കെ.​ആ​ർ.​സി.​എ​സ്) സെ​ക്ര​ട്ട​റി ജ​ന​റ​ൽ മ​ഹാ അ​ൽ ബ​ർ​ജാ​സ് ആ​വ​ശ്യ​പ്പെ​ട്ടു. ഇ​സ്രാ​യേ​ൽ ഉ​പ​രോ​ധം മൂ​ലം ഗ​സ്സ​യി​ൽ ആ​സ​ന്ന​മാ​യ മാ​നു​ഷി​ക ദു​ര​ന്ത​ത്തി​നെ​തി​രെ അ​ൽ ബ​ർ​ജാ​സ് മു​ന്ന​റി​യി​പ്പ് ന​ൽ​കി.

ഈ​ജി​പ്ഷ്യ​ൻ റെ​ഡ് ക്ര​സ​ന്റ് സൊ​സൈ​റ്റി​യു​മാ​യി സ​ഹ​ക​ര​ണ പ്രോ​ട്ടോ​ക്കോ​ൾ ഒ​പ്പി​ടു​ന്ന​ത് സം​ബ​ന്ധി​ച്ച സം​യു​ക്ത വാ​ർ​ത്ത​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​വ​ർ. ഗ​സ്സ​യി​ലെ മി​ക്ക ആ​ശു​പ​ത്രി​ക​ളി​ലും ഇ​ന്ധ​നം തീ​ർ​ന്നു​കൊ​ണ്ടി​രി​ക്കു​ക​യാ​ണെ​ന്നും അ​ന​സ്തേ​ഷ്യ കൂ​ടാ​തെ​യാ​ണ് ശ​സ്ത്ര​ക്രി​യ​ക​ൾ ന​ട​ക്കു​ന്ന​തെ​ന്നും അ​വ​ർ ചൂ​ണ്ടി​ക്കാ​ട്ടി.

ഇ​ന്ധ​ന​ത്തി​ന്റെ അ​ഭാ​വം മൂ​ലം ബേ​ക്ക​റി​ക​ളും വൈ​കാ​തെ പ്ര​വ​ർ​ത്ത​നം നി​ല​ക്കും. ഗ​സ്സ​യി​ലെ ജ​ന​ങ്ങ​ൾ​ക്ക് ഭ​ക്ഷ​ണ​ത്തേ​ക്കാ​ൾ കൂ​ടു​ത​ൽ മ​രു​ന്നു​ക​ളും മെ​ഡി​ക്ക​ൽ സ​പ്ലൈ​ക​ളും ആ​വ​ശ്യ​മാ​യ സ​മ​യ​മാ​ണി​തെ​ന്നും അ​വ​ർ കൂ​ട്ടി​ച്ചേ​ർ​ത്തു. വ​ലി​യ മാ​നു​ഷി​ക ദു​ര​ന്തം ഒ​ഴി​വാ​ക്കാ​ൻ ആ​ശു​പ​ത്രി​ക​ളും ബേ​ക്ക​റി​ക​ളും പ്ര​വ​ർ​ത്തി​പ്പി​ക്കു​ന്ന​തി​ന് ഗ​സ്സ​യി​ലേ​ക്ക് ഇ​ന്ധ​നം ക​ട​ത്തി​വി​ടാ​ൻ ഇ​സ്രാ​യേ​ലി​നെ നി​ർ​ബ​ന്ധി​ക്ക​ണ​മെ​ന്ന് അ​ൽ ബ​ർ​ജാ​സ് അ​ന്താ​രാ​ഷ്ട്ര സം​ഘ​ട​ന​ക​ളോ​ട് അ​ഭ്യ​ർ​ഥി​ച്ചു.

ഇ​സ്രാ​യേ​ൽ അ​ധി​നി​വേ​ശ​ത്തി​ന്റെ ക്രൂ​ര​മാ​യ ആ​ക്ര​മ​ണ​ങ്ങ​ളെ​യും കൂ​ട്ട​ക്കൊ​ല​ക​ളെ​യും അ​ൽ ബ​ർ​ജാ​സ് അ​പ​ല​പി​ച്ചു. മ​രി​ച്ച​വ​രി​ൽ 40 ശ​ത​മാ​ന​വും കു​ട്ടി​ക​ളാ​ണെ​ന്ന് ചൂ​ണ്ടി​ക്കാ​ട്ടി. അ​ന്താ​രാ​ഷ്ട്ര നി​യ​മ​ങ്ങ​ളും അ​ന്താ​രാ​ഷ്ട്ര മാ​നു​ഷി​ക നി​യ​മ​ങ്ങ​ളും ലം​ഘി​ച്ചാ​ണ് ഇ​സ്രാ​യേ​ൽ അ​ധി​നി​വേ​ശം. ഗ​സ്സ​യി​ലെ ജ​ന​ങ്ങ​ൾ​ക്കെ​തി​രെ ന​ട​ത്തു​ന്ന കൂ​ട്ട​ക്കൊ​ല​ക​ൾ അ​വ​സാ​നി​പ്പി​ക്കാ​ൻ ഇ​ട​പെ​ടാ​ൻ ലോ​ക രാ​ജ്യ​ങ്ങ​ളോ​ട് അ​ൽ ബ​ർ​ജാ​സ് ആ​ഹ്വാ​നം ചെ​യ്തു.