കുവൈത്ത് സിറ്റി: സ്പെഷൽ ഒളിമ്പിക്സ് വേൾഡ് ഗെയിംസിൽ പങ്കെടുത്ത കുവൈത്ത് കായിക താരങ്ങളെയും പ്രതിനിധികളെയും കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ് ബയാൻ പാലസിൽ സ്വീകരിച്ചു.
കുവൈത്ത് ഡിസേബിൾഡ് സ്പോർട്സ് ക്ലബ്ബ് ഓണററി ചെയർപേഴ്സൻ ശൈഖ അബ്ദുല്ല അൽ ഖലീഫ അസ്സബാഹ്, ടോമൂ സ്പോർട്സ് ക്ലബ് ചെയർമാൻ ജാസിം മുഹമ്മദ് അൽനൂരി, ക്ലബ്ബിന്റെ സ്ഥാപകനും കുവൈത്ത് നാഷനൽ സ്പെഷൽ ഒളിമ്പിക്സിന്റെ തലവനുമായ റിഹാബ് ബുറെസ്ലിയും സംഘത്തിലുണ്ടായിരുന്നു. ജർമനി ആതിഥേയത്വം വഹിച്ച സ്പെഷൽ ഒളിമ്പിക്സ് വേൾഡ് ഗെയിംസിൽ മെഡലുകൾ നേടിയ അത്ലറ്റുകളെ കിരീടാവകാശി അഭിനന്ദിച്ചു. അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹിന്റെ ആശംസകളും അദ്ദേഹം കൈമാറി. മത്സരത്തിൽ കുവൈത്തിനെ പ്രതിനിധാനം ചെയ്ത് ഉന്നത സ്ഥാനങ്ങൾ നേടാനും അത്ലറ്റുകളെ സജ്ജമാക്കിയ പരിശീലകരെയും ഉദ്യോഗസ്ഥരെയും കിരീടാവകാശി അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.