ജി.സി.സി വിദേശകാര്യ മന്ത്രിമാരുടെ യോഗത്തിൽ മന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹ്
കുവൈത്ത് സിറ്റി: ഗൾഫ് ഉച്ചകോടിക്ക് മുന്നോടിയായി ജി.സി.സി വിദേശകാര്യ മന്ത്രിമാരുടെ തയാറെടുപ്പ് ആരംഭിച്ചു. വിദേശകാര്യ മന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹിന്റെ നേതൃത്വത്തിലുള്ള കുവൈത്തി പ്രതിനിധി സംഘം ബുധനാഴ്ച ആദ്യ യോഗത്തിൽ പങ്കെടുത്തു. ഒമാൻ വിദേശകാര്യ മന്ത്രി ബദർ അൽ ബുസൈദി ഉച്ചകോടിയുടെ പ്രാധാന്യവും മേഖലയുടെ സുരക്ഷയും ക്ഷേമവും കേന്ദ്രീകരിച്ചുള്ള വിഷയങ്ങളും എടുത്തുപറഞ്ഞു.
ഫിഫ ലോകകപ്പിന് ആതിഥേയത്വം വഹിക്കുന്നതിൽ ഖത്തറിന്റെ മികച്ച നേട്ടത്തെ ഒമാനി വിദേശകാര്യ മന്ത്രി അഭിനന്ദിച്ചു. യു.എ.ഇ ആതിഥേയത്വം വഹിക്കുന്ന 2023ലെ യു.എൻ കാലാവസ്ഥ വ്യതിയാന കോൺഫറൻസിനായി ജി.സി.സി രാജ്യങ്ങൾ ഉറ്റുനോക്കുകയാണെന്നും അദ്ദേഹം സൂചിപ്പിച്ചു. ഉച്ചകോടിയിൽ പങ്കെടുക്കാൻ വിദേശകാര്യമന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹിന്റെ നേതൃത്വത്തിലുള്ള കുവൈത്തി പ്രതിനിധി സംഘം നേരത്തേ സൗദിയിലെത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.