കുവൈത്ത് സിറ്റി: 16ാമത് പുരുഷന്മാരുടെ ഗൾഫ് ബാസ്കറ്റ്ബാൾ ടൂർണമെൻറിൽ ഖത്തറിനെ തിരെ കുവൈത്തിന് മിന്നുന്ന ജയം. 73 -56 സ്കോറിന് ആധികാരികമായായിരുന്നു ആതിഥേയരായ കുവൈത്ത് വിജയിച്ചത്. സാലിഹ് യൂസുഫ്, റാഷിദ് അൽ റബാഹ് എന്നിവരുടെ മിന്നുന്ന പ്രകടനമാണ് കുവൈത്തിന് തുണയായത്.
വിജയം അനിവാര്യമായിരുന്ന കളിയിൽ ഒരു ഘട്ടത്തിലും പിന്നാക്കം പോവാത്ത പ്രകടനം ടീമിനെ ക്വാർട്ടർ ഫൈനലിലെത്തിച്ചു. ആദ്യ കളിയിൽ സൗദിയെ തോൽപിച്ച കുവൈത്ത് രണ്ടാം കളിയിൽ യു.എ.ഇയോട് തോറ്റതോടെ സമ്മർദത്തിലായിരുന്നു. മറ്റൊരു കളിയിൽ സൗദി ബഹ്റൈനെ 77 -70 സ്കോറിന് തോൽപിച്ചു. ഖത്തർ മൂന്ന് കളിയും തോറ്റു. വെള്ളിയാഴ്ച കുവൈത്ത് ബഹ്റൈനെയും ഖത്തർ യു.എ.ഇയെയും നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.