കുവൈത്ത് സിറ്റി: വഫ്ര ഫാമുകളിൽ അനധികൃത മാർക്കറ്റ് നടത്തിയിരുന്ന ഏഷ്യൻ വംശജരായ നാല് പ്രവാസികളെ ജനറൽ ക്രിമിനൽ ഇൻവെസ്റ്റിഗേഷൻ ഡിപ്പാർട്മെന്റ് പിടികൂടി. നിരോധിത വസ്തുക്കൾ, സബ്സിഡിയുള്ള സാധനങ്ങൾ, വ്യാജ ഉൽപന്നങ്ങൾ എന്നിവയുടെ വിൽപനയാണ് ഇവർ നടത്തിവന്നിരുന്നത്. വിവരം അറിഞ്ഞ അധികൃതർ മാർക്കറ്റ് നിരീക്ഷിക്കുകയും പരിശോധന നടത്തി പ്രതികളെ പിടികൂടുകയുമായിരുന്നു. പരിശോധനയിൽ സബ്സിഡി സാധനങ്ങളും വ്യാജ ചരക്കുകളും കണ്ടുകെട്ടുകയും പണം കണ്ടെത്തുകയും ചെയ്തു. നിയമനടപടികൾക്കായി പിടികൂടിയ വ്യക്തികളെ ബന്ധപ്പെട്ട അധികാരികൾക്ക് കൈമാറി. രാജ്യത്ത് സബ്സിഡിയുള്ള സാധനങ്ങളുടെ വിൽപനയും കൈമാറ്റവും നിരോധിച്ചിട്ടുണ്ട്. നിയമവിരുദ്ധ നടപടികൾ കണ്ടെത്താൻ പരിശോധന തുടരുമെന്ന് അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.