വിദേശകാര്യ മന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹ് കനേഡിയൻ വിദേശകാര്യമന്ത്രി മെലാനി ജോളിയുമായി ചർച്ചയിൽ
കുവൈത്ത് സിറ്റി: ഉഭയകക്ഷി സഹകരണം ശക്തിപ്പെടുത്തുന്നതിന്റെ ഭാഗമായി വിദേശകാര്യ മന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹ് കനേഡിയൻ വിദേശകാര്യ മന്ത്രി മെലാനി ജോളിയുമായി ചർച്ച നടത്തി. ശൈഖ് സലീമിന്റെ കാനഡ സന്ദർശന വേളയിൽ നടന്ന ചർച്ചയിൽ ഇരു രാജ്യങ്ങളും തമ്മിലുള്ള ചരിത്രപരമായ ബന്ധവും വിവിധ തലങ്ങളിൽ അവയെ വികസിപ്പിക്കുന്നതിനുള്ള ശ്രമങ്ങളും ഇരുവരും പങ്കുവെച്ചു. പ്രാദേശിക, അന്തർദേശീയ വിഷയങ്ങളിൽ സംയുക്ത ഏകോപനവും സഹകരണവും ശക്തമാക്കുന്നതിനെക്കുറിച്ചും അന്താരാഷ്ട്ര സമാധാനവും സുരക്ഷയും നിലനിർത്തുന്നതിനുള്ള സംയുക്ത ശ്രമങ്ങൾ തുടരുന്നതിനെക്കുറിച്ചും ചർച്ച ചെയ്തു.
കനേഡിയൻ നേതൃത്വത്തിനും സർക്കാറിനും ജനങ്ങൾക്കും കുവൈത്ത് ഭരണനേതൃത്വത്തിന്റെ ആശംസകൾ ശൈഖ് സലീം അറിയിച്ചു. കുവൈത്തും കാനഡയും തമ്മിലുള്ള സഹകരണത്തിൽ എല്ലാ തലങ്ങളിലും പ്രത്യേകിച്ച് മാനുഷിക, വികസന മേഖലകളിലുള്ള സുസ്ഥിരമായ പുരോഗതിയെ അദ്ദേഹം പ്രശംസിച്ചു. കുവൈത്തിന്റെ മാനുഷിക ശ്രമങ്ങൾക്കും ലോകമെമ്പാടുമുള്ള ആളുകളെ സഹായിക്കുന്നതിനുള്ള ശ്രമങ്ങൾക്കും മെലാനി ജോളി അഭിനന്ദനം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.