അ​ഗ്നി​സു​ര​ക്ഷ പ്ര​തി​രോ​ധം: ക​ർ​ശ​ന പ​രി​ശോ​ധ​ന തു​ട​രു​ന്നു

കു​വൈ​ത്ത് സി​റ്റി: തീ​പി​ടി​ത്ത പ്ര​തി​രോ​ധം ഉ​റ​പ്പു​വ​രു​ത്തു​ന്ന​തി​ന്റെ ഭാ​ഗ​മാ​യി ജ​ന​റ​ൽ ഫ​യ​ർ​ഫോ​ഴ്സ് പ​രി​ശോ​ധ​ന തു​ട​രു​ന്നു. ക​ഴി​ഞ്ഞ ദി​വ​സം ജ​ന​റ​ൽ ഫ​യ​ർ ഫോ​ഴ്‌​സ് സൗ​ത്ത് അം​ഘാ​ര പ്ര​ദേ​ശ​ത്ത് വി​പു​ല​മാ​യ പ​രി​ശോ​ധ​ന കാ​മ്പ​യി​ൻ ന​ട​ത്തി. വൈ​ദ്യു​തി, ജ​ല മ​ന്ത്രാ​ല​യം, വ്യ​വ​സാ​യ​ത്തി​നാ​യു​ള്ള പൊ​തു അ​തോ​റി​റ്റി, പ​രി​സ്ഥി​തി അ​തോ​റി​റ്റി, കു​വൈ​ത്ത് മു​നി​സി​പ്പാ​ലി​റ്റി, ഭ​ക്ഷ്യ അ​തോ​റി​റ്റി, മാ​ൻ​പ​വ​ർ ജ​ന​റ​ൽ അ​തോ​റി​റ്റി എ​ന്നി​വ​യു​ൾ​പ്പെ​ടെ വി​വി​ധ സ​ർ​ക്കാ​ർ ഏ​ജ​ൻ​സി​ക​ളു​മാ​യി സ​ഹ​ക​രി​ച്ചാ​യി​രു​ന്നു പ​രി​ശോ​ധ​ന.

കെ​ട്ടി​ട​ങ്ങ​ളും സ്ഥാ​പ​ന​ങ്ങ​ളും പ​രി​ശോ​ധി​ച്ച സം​ഘം സു​ര​ക്ഷാ, അ​ഗ്നി പ്ര​തി​രോ​ധ മാ​ന​ദ​ണ്ഡ​ങ്ങ​ൾ പാ​ലി​ക്കാ​ത്ത​വ​ർ​ക്കെ​തി​രെ ന​ട​പ​ടി​യെ​ടു​ത്തു. ജ​ന​റ​ൽ ഫ​യ​ർ ഫോ​ഴ്‌​സി​ന്റെ​യും മ​റ്റു വ​കു​പ്പു​ക​ളു​ടെ​യും നി​യ​മ​ങ്ങ​ൾ പാ​ലി​ക്കു​ന്ന​തി​ൽ പ​രാ​ജ​യ​പ്പെ​ട്ട​തി​നാ​ൽ നി​ര​വ​ധി സ്ഥാ​പ​ന​ങ്ങ​ൾ സം​ഘം അ​ട​ച്ചു​പൂ​ട്ടി. രാ​ജ്യ​ത്ത് താ​പ​നി​ല ഉ​യ​ർ​ന്ന​തോ​ടെ തീ​പി​ടി​ത്ത കേ​സു​ക​ൾ വ​ർ​ധി​ച്ചി​ട്ടു​ണ്ട്. ഇ​വ പ്ര​തി​രോ​ധി​ക്കു​ന്ന​താ​യി നി​ർ​ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്ക​ണ​മെ​ന്ന് അ​ധി​കൃ​ത​രു​ടെ ഉ​ണ​ർ​ത്തി. ജ​ന​റ​ൽ ഫ​യ​ർ​ഫോ​ഴ്സ് നി​യ​മ​ങ്ങ​ളും ച​ട്ട​ങ്ങ​ളും ക​ർ​ശ​ന​മാ​യി പാ​ലി​ക്ക​ണം. തീ​പി​ടി​ത്ത​ത്തി​ന് സാ​ധ്യ​ത​യു​ള്ള വ​സ്തു​ക്ക​ൾ കെ​ട്ടി​ട​ങ്ങ​ളി​ലും സ്ഥാ​പ​ന​ങ്ങ​ളി​ലും കൂ​ട്ടി​യി​ട​രു​ത്. ഗ്യാ​സ്, വൈ​ദ്യു​തി എ​ന്നി​വ ശ്ര​ദ്ധ​യോ​ടെ ഉ​പ​യോ​ഗി​ക്ക​ണം. വ​രും ദി​വ​സ​ങ്ങ​ളി​ലും പ​രി​ശോ​ധ​ന തു​ട​രു​മെ​ന്നും നി​യ​ലം​ഘ​ക​ർ​ക്കെ​തി​രെ ശ​ക്ത​മാ​യ ന​ട​പ​ടി എ​ടു​ക്കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി.