ഷുവൈഖ് വ്യവസായിക മേഖലയിൽ ബേസ്മെന്റിൽ തീപിടിച്ചത് ഫയർഫോഴ്സ് അണക്കുന്നു
കുവൈത്ത് സിറ്റി: ഷുവൈഖ് വ്യവസായിക മേഖലയിൽ ബേസ്മെന്റിൽ തീപിടിത്തം. വാഹനങ്ങൾക്ക് ഉപയോഗിക്കുന്ന ടയറുകളും പെയിന്റുകളും ബാറ്ററികളും അടങ്ങുന്ന നിലവറയിലാണ് തീപടർന്നത്. തിങ്കളാഴ്ച വൈകീട്ട് ആളിപ്പടർന്ന തീ ചൊവ്വാഴ്ചയോടെയാണ് പൂർണമായും അണക്കാനായത്. തീപിടിത്തത്തെ തുടർന്ന് പ്രദേശത്ത് വലിയതോതിൽ പുക ഉയർന്നു.
അപകടത്തെ കുറിച്ച് തിങ്കളാഴ്ച വൈകീട്ടാണ് കേന്ദ്ര ഓപറേഷൻസ് വകുപ്പിന് റിപ്പോർട്ട് ലഭിച്ചതെന്ന് ജനറൽ ഫയർഫോഴ്സിന്റെ പബ്ലിക് റിലേഷൻസ് ആൻഡ് മീഡിയ വിഭാഗം അറിയിച്ചു. ഷുവൈഖ് ഇൻഡസ്ട്രിയൽ സെന്ററുകൾ, അൽ ഷഹീദ്, അൽ ഇസ്നാദ് എന്നിവിടങ്ങളിൽ നിന്നുള്ള അഗ്നിരക്ഷാസേന ഉടൻ സ്ഥലത്തെത്തി. തീ നിയന്ത്രണവിധേയമാക്കിയതായി ഫയർഫോഴ്സ് അറിയിച്ചു. കൺട്രോൾ സെക്ടർ വൈസ് പ്രസിഡന്റ് മേജർ ജനറൽ ജമാൽ ബദർ നാസർ, പ്രതിരോധ മേഖലയുടെ വൈസ് പ്രസിഡന്റ് മേജർ ജനറൽ ഖാലിദ് അബ്ദുല്ല ഫഹദ് എന്നിവർ സ്ഥിതിഗതികൾ വിലയിരുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.