ലി​റി​ക്ക കാ​പ്സ്യൂ​ളു​ക​ളു​മാ​യി പ്ര​വാ​സി അ​റ​സ്റ്റി​ൽ

കു​വൈ​ത്ത് സി​റ്റി: വ​ൻ​തോ​തി​ൽ ല​ഹ​രി​വ​സ്തു​ക്ക​ളു​മാ​യി അ​ന​ധി​കൃ​ത താ​മ​സ​ക്കാ​ര​ൻ പി​ടി​യി​ൽ. 115,000 ലി​റി​ക്ക കാ​പ്സ്യൂ​ളു​ക​ൾ, അ​ഞ്ചു കി​ലോ​ഗ്രാം ലി​റി​ക്ക പൗ​ഡ​ർ, 24 ലി​റ്റ​ർ ക​ഞ്ചാ​വ് ഓ​യി​ൽ എ​ന്നി​വ പ്ര​തി​യി​ൽനി​ന്ന് പി​ടി​ച്ചെ​ടു​ത്തു. മ​യ​ക്കു​മ​രു​ന്ന് നി​ർ​മാ​ണ​ത്തി​ന് ഉ​പ​യോ​ഗി​ക്കു​ന്ന വി​വി​ധ ഉ​പ​ക​ര​ണ​ങ്ങ​ളും ക​ണ്ടെ​ടു​ത്തു. പ്ര​തി​യു​ടെ കൈ​വ​ശം വെ​ടി​യു​ണ്ട​ക​ളും ക​ണ്ടെ​ത്തി.

രാ​ജ്യ​ത്ത് ല​ഹ​രി​വ​സ്തു​ക്ക​ൾ വ്യാ​പി​ക്കു​ന്ന​വ​രെ ക​ണ്ടെ​ത്താ​നു​ള്ള ശ​ക്ത​മാ​യ നീ​ക്ക​ങ്ങ​ൾ​ക്കി​ടെ​യാ​ണ് അ​റ​സ്റ്റ്. പ്ര​തി നി​യ​മ​വി​രു​ദ്ധ​മാ​യി രാ​ജ്യ​ത്ത് ത​ങ്ങി​യാ​ണ് ല​ഹ​രി​വ​സ്തു​ക്ക​ളു​ടെ ഇ​ട​പാ​ട് ന​ട​ത്തി​യി​രു​ന്ന​ത്.

പ്ര​തി​യെ​യും ക​ണ്ടു​കെ​ട്ടി​യ വ​സ്തു​ക്ക​ളും തു​ട​ർ നി​യ​മ​ന​ട​പ​ടി​ക​ൾ​ക്കാ​യി ഡ്ര​ഗ്സ് ആ​ൻ​ഡ് ആ​ൽ​ക്ക​ഹോ​ൾ പ്രോ​സി​ക്യൂ​ഷ​ൻ ഓ​ഫീ​സി​ന് കൈ​മാ​റി. മ​യ​ക്കു​മ​രു​ന്ന് ഉ​പ​യോ​ഗം, ക​ട​ത്ത്, വി​ത​ര​ണം എ​ന്നി​വ ല​ക്ഷ്യ​മി​ട്ട് ക​ർ​ശ​ന പ​രി​ശോ​ധ​ന​ക​ൾ തു​ട​രു​മെ​ന്ന് ജ​ന​റ​ൽ നാ​ർ​ക്കോ​ട്ടി​ക് ക​ൺ​ട്രോ​ൾ വ​കു​പ്പ് വ്യ​ക്ത​മാ​ക്കി. മ​യ​ക്കു​മ​രു​ന്നി​ന്റെ ദോ​ഷ​ക​ര​മാ​യ ഫ​ല​ങ്ങ​ളി​ൽനി​ന്ന് സ​മൂ​ഹ​ത്തെ സം​ര​ക്ഷി​ക്കേ​ണ്ട​തി​ന്റെ പ്രാ​ധാ​ന്യ​വും സൂ​ചി​പ്പി​ച്ചു. കു​റ്റ​കൃ​ത്യ​ങ്ങ​ൾ ത​ട​യ​ൽ, പൊ​തു​ജ​ന സു​ര​ക്ഷ ഉ​റ​പ്പാ​ക്ക​ൽ എ​ന്നി​വ​യു​ടെ ഭാ​ഗ​മാ​യി പ്ര​തി​ക​ൾ​ക്കെ​തി​രെ ശ​ക്ത​മാ​യ നി​യ​മ​ന​ട​പ​ടി സ്വീ​ക​രി​ക്കു​മെ​ന്നും വ്യ​ക്ത​മാ​ക്കി.

ഹ​ഷീ​ഷു​മാ​യി പി​ടി​യി​ൽ

 രാ​ജ്യ​ത്തേ​ക്ക് ഹഷീ​ഷ് ക​ട​ത്താ​ൻ ശ്ര​മി​ച്ച പ്ര​വാ​സി കു​വൈ​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ പി​ടി​യി​ൽ. വി​മാ​ന​ത്താ​വ​ള​ത്തി​ലെ​ത്തി​യ പ്ര​തി​യു​ടെ പെ​രു​മാ​റ്റ​ത്തി​ൽ സം​ശ​യം തോ​ന്നി​യ ഉ​ദ്യോ​ഗ​സ്ഥ​ർ വി​ശ​ദമാ​യി പ​രി​ശോ​ധി​ച്ച​പ്പോ​ഴാ​ണ് ല​ഹ​രി വ​സ്തു​ക്ക​ൾ ക​ണ്ടെ​ടു​ത്ത​ത്.

പ​രി​ശോ​ധ​ന​ക്കിടെ വ​സ്ത്ര​ങ്ങ​ൾ​ക്കി​ട​യി​ൽ ഒ​ളി​പ്പി​ച്ച നി​ല​യി​ൽ ഹാ​ഷി​ഷ് ഉ​ദ്യോ​ഗ​സ്ഥ​ർ ക​ണ്ടെ​ത്തി. പ്ര​തി​യെ​യും പി​ടി​ച്ചെ​ടു​ത്ത വ​സ്തു​ക്ക​ളും ന​ട​പ​ടി​ക​ൾ​ക്കാ​യി ജ​ന​റ​ൽ ഡി​പ്പാ​ർ​ട​്മെ​ന്റ് ഫോ​ർ ഡ്ര​ഗ് ക​ൺ​ട്രോ​ൾ വി​ഭാ​ഗ​ത്തി​ന് കൈ​മാ​റി.