അപകടകരമായ ഡ്രൈവിങ്; മൂന്നു പേർ പിടിയിൽ
കുവൈത്ത് സിറ്റി: അശ്രദ്ധമായും അപകടകരമായും വാഹനം ഓടിച്ചവർക്കെതിരെ കർശന നടപടി. സ്വന്തം ജീവനും മറ്റ് റോഡ് ഉപയോക്താക്കളുടെ ജീവനും അപകടത്തിലാക്കുന്ന തരത്തിൽ വാഹനം ഓടിച്ച മൂന്ന് പേരെ ട്രാഫിക് വിഭാഗം അറസ്റ്റ് ചെയ്തു. ഈ സംഭവത്തിന്റെ വീഡിയോ ശ്രദ്ധയിൽപ്പെട്ടതിനെത്തുടർന്നാണ് നടപടി. സംഭവത്തിൽ ഉപയോഗിച്ച വാഹനങ്ങളും തകർത്തു.
പ്രതികൾക്കെതിരെ നിയമനടപടികൾ സ്വീകരിച്ച് സെൻട്രൽ ജയിലിലേക്ക് മാറ്റി. അശ്രദ്ധവും അപകടകരവുമായി വാഹനം ഓടിച്ചാൽ കർശന നിയമനടപടികൾ നേരിടേണ്ടിവരുമെന്ന് ഗതാഗത വകുപ്പ് മുന്നറിയിപ്പ് നൽകി. ശ്രദ്ധമായുള്ള യാത്രകൾക്കും, അപകടകരമായുള്ള ഡ്രൈവിങ്ങിനും കനത്ത പിഴയും വാഹനം കണ്ടുകെട്ടലും, പൊളിച്ചടുക്കലുമടക്കം കർശന നിയമങ്ങൾ രാജ്യത്തുണ്ട്. സർക്കാർ സബ്സിഡിയുള്ള ഡീസൽ മോഷണവുമായി ബന്ധപ്പെട്ട് രണ്ട് വ്യത്യസ്ത കേസുകളിലായി പിടിച്ചെടുത്ത 21 ടാങ്കറുകളും ട്രക്കുകളും ശിക്ഷാ നടപടിയുടെ ഭാഗമായി പൊലീസ് കഴിഞ്ഞ ദിവസം നശിപ്പിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.