കുവൈത്ത് സിറ്റി: ദ്രുതഗതിയിൽ കോവിഡ് പരിശോധിക്കാവുന്ന പോളിമറൈസ് ചെയിൻ റിയാക്ഷൻ (പി.സി.ആർ) സൊലൂഷൻ കുവൈത്തി മെഡിക്കൽ സംഘം നിർമിച്ചു. പൂർണമായി കുവൈത്തിൽ രൂപപ്പെടുത്തിയ സാേങ്കതിക വിദ്യ ഉപയോഗിച്ചാണ് പി.സി.ആർ സൊലൂഷൻ നിർമാണമെന്ന് ജാബിർ ആശുപത്രിയിലെ സർജിക്കൽ വകുപ്പ് മേധാവി ഡോ. സൽമാൻ അസ്സബാഹ് പറഞ്ഞു. കോവിഡ് പരിശോധന ഉപകരണങ്ങൾ വിദേശത്തുനിന്ന് ഇറക്കുമതി ചെയ്യാനുള്ള വലിയ സാമ്പത്തിക ചെലവും എത്തിക്കുന്നതിലെ കാലതാമസവും ഒഴിവാക്കാൻ കുവൈത്തി സംഘത്തിെൻറ നേട്ടം വഴിയൊരുക്കും. സംഘം ആദ്യഘട്ട നിർമാണം ആരംഭിച്ചു. കുവൈത്തിലെ ആവശ്യങ്ങൾക്കായി വൻതോതിൽ നിർമിക്കാൻ അധികൃതർ പദ്ധതി ആവിഷ്കരിക്കുകയാണ്. കൂടുതൽ പേർക്ക് കോവിഡ് പരിശോധന വലിയ ചെലവില്ലാതെ നടത്താൻ കഴിയുന്നത് കോവിഡ് വ്യാപനം തടയാനും സഹായിക്കും. വിദേശ കമ്പനികൾ വൻ തുകയാണ് പി.സി.ആർ സൊലൂഷന് ഇൗടാക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.