പ്രവാസ ജീവിതം മതിയാക്കി നാട്ടിലേക്ക് തിരിക്കുന്ന സി. സുലൈമാന് ശാഹുൽ ഹമീദ് തങ്ങൾ ഉപഹാരം കൈമാറുന്നു
കുവൈത്ത് സിറ്റി: മൂന്ന് പതിറ്റാണ്ട് കാലത്തെ പ്രവാസ ജീവിതം മതിയാക്കി നാട്ടിലേക്ക് തിരിക്കുന്ന സി. സുലൈമാന് തൃക്കരിപ്പൂർ മുനവ്വിർ എജുക്കേഷനൽ കോംപ്ലക്സിെൻറ ബ്രാഞ്ചായ കുവൈത്ത് മുനവ്വിറുൽ ഇസ്ലാം കമ്മിറ്റി യാത്രയയപ്പ് നൽകി.
കൂട്ടായ്മയുടെ ഉപദേശക സമിതി അംഗംകൂടിയാണ് അദ്ദേഹം. അബ്ബാസിയ ടെലി കമ്യൂണിക്കേഷൻ മസ്ജിദ് ഹാളിൽ നടന്ന ഹ്രസ്വമായ ചടങ്ങ് മുഖ്യ രക്ഷാധികാരി ശാഹുൽ ഹമീദ് തങ്ങൾ ഉദ്ഘാടനം ചെയ്തു.
വൈസ് പ്രസിഡൻറ് ഇഖ്ബാൽ മാവിലാടം അധ്യക്ഷത വഹിച്ചു. ജനറൽ സെക്രട്ടറി മിസ്ഹബ് മാടമ്പില്ലത്ത് സ്വാഗതം പറഞ്ഞു.ട്രഷറർ എം. മുഹമ്മദ് നബീൽ, വൈസ് പ്രസിഡൻറ് കെ. മുഹമ്മദ് കുഞ്ഞി, ഉപദേശക സമിതി അംഗം വി.പി. അബ്ദുല്ല, ടി.കെ.പി. ഷാഫി, ഫൈസൽ എന്നിവർ സംസാരിച്ചു. കമ്മിറ്റിയുടെ ഉപഹാരം ശാഹുൽ ഹമീദ് തങ്ങൾ കൈമാറി. സി. സുലൈമാൻ മറുപടി പ്രസംഗം നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.