കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിൽ നിന്ന് യാത്ര ചെയ്യുന്നവരുടെ ശ്രദ്ധക്ക്. വിമാനത്താവളത്തിൽ ചെക്ക്-ഇൻ കൗണ്ടറുകൾ അടക്കുന്നതിന് പുതിയ സമയക്രമം പ്രഖ്യാപിച്ചു. ജി.സി.സിയിലേക്കും മറ്റ് അറബ് രാജ്യങ്ങളിലേക്കുമുള്ള വിമാനങ്ങളുടെ ചെക്ക്-ഇൻ കൗണ്ടറുകൾ വിമാനം ഷെഡ്യൂൾ ചെയ്ത പുറപ്പെടൽ സമയത്തിന് ഒരു മണിക്കൂർ മുമ്പ് അടക്കും.
മറ്റ് എല്ലാ അന്താരാഷ്ട്ര ലക്ഷ്യസ്ഥാനങ്ങളിലേക്കുമുള്ള വിമാനങ്ങൾക്ക്, പുറപ്പെടുന്നതിന് ഒരു മണിക്കൂറും 30 മിനിറ്റും മുമ്പ് ചെക്ക്-ഇൻ കൗണ്ടറുകൾ അടക്കും. ജൂൺ ഒന്നു മുതൽ പുതുക്കിയ സമയം പ്രാബല്യത്തിൽ വരുമെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡി.ജി.സി.എ)അറിയിച്ചു. ചെക്ക്-ഇൻ, യാത്രാ നടപടിക്രമങ്ങൾ കൃത്യസമയത്ത് പൂർത്തിയാക്കുന്നതിനും വിമാനങ്ങൾ നഷ്ടമാകാതിരിക്കുന്നതിനും യാത്രക്കാർ മുൻകൂട്ടി വിമാനത്താവളത്തിൽ എത്തണമെന്ന് ഡി.ജി.സി.എ അഭ്യർത്ഥിച്ചു. വിമാനത്താവളത്തിലെ പ്രവർത്തനങ്ങൾ കാര്യക്ഷമമാക്കുന്നതിനും യാത്രക്കാരുടെ ഗതാഗതം സുഗമമായി നടക്കുന്നുവെന്ന് ഉറപ്പാക്കുന്നതിനുമുള്ള ശ്രമങ്ങളുടെ ഭാഗമായാണ് പുതുക്കിയ നടപടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.