യാസ്മിൻ വലീദ്
കുവൈത്ത് സിറ്റി: ബഹ്റൈനിൽ നടക്കുന്ന ഏഷ്യൻ യൂത്ത് ഗെയിംസിൽ ഹൈജംപ് മത്സരത്തിൽ സുവർണ നേട്ടവുമായി കുവൈത്തിന്റെ യാസ്മിൻ വലീദ്. 1.73 മീറ്റർ ചാടി യാസ്മിൻ പുതിയ റെക്കോഡും സൃഷ്ടിച്ചു. അണ്ടർ 18 അത്ലറ്റിക്സിൽ സ്വർണ നേട്ടം കൈവരിക്കുന്ന ആദ്യ കുവൈത്ത് വനിത അത്ലറ്റാണ് യാസ്മിൻ. ഈ വർഷം സൗദി അറേബ്യയിൽ നടന്ന ആറാമത് ഏഷ്യൻ അണ്ടർ 18 മത്സരത്തിൽ വെങ്കലവും നേടിയിരുന്നു ഈ മിടുക്കി. ഈ മാസം 31 വരെ മനാമയിൽ നടക്കുന്ന മൂന്നാമത് ഏഷ്യൻ യൂത്ത് ഗെയിംസിൽ 45 രാജ്യങ്ങളിൽ നിന്നായി 5,000-ത്തിലധികം പുരുഷ-വനിത അത്ലറ്റുകൾ മാറ്റുരക്കുന്നുണ്ട്.
നീന്തൽ, ട്രാംപോളിൻ, അത്ലറ്റിക്സ്, ബാഡ്മിന്റൺ, ടേബിൾ ടെന്നിസ്, ഗോൾഫ്, കുതിരസവാരി, ഷോ ജംപിങ്, എൻഡുറൻസ്, ഹാൻഡ്ബാൾ, ജൂഡോ, ടെക്ബാൾ, തായ്ക്വോണ്ടോ, മുവായ് തായ്, ജിയു-ജിറ്റ്സു എന്നിവയുൾപ്പെടെ 14 ഇനങ്ങളിലായി 75 കുവൈത്ത് പുരുഷ-വനിത അത്ലറ്റുകൾ മത്സരിക്കുന്നുണ്ട്.കുവൈത്തിന്റെ നാസർ അൽ സഖർ ടെക്ബാൾ മത്സരത്തിൽ വ്യാഴാഴ്ച വെങ്കലം നേടിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.