കുവൈത്ത് സിറ്റി: കൈറോയിൽ നടന്ന മൂന്നാമത് അറബ് അക്വാട്ടിക്സ് ചാമ്പ്യൻഷിപ്പിൽ കുവൈത്തിന് മികച്ച നേട്ടം. ചാമ്പ്യൻഷിപ്പിൽ കുവൈത്ത് 26 മെഡലുകൾ നേടി. അവസാന ദിനത്തിൽ ആറ് വെങ്കലവും ഒരു വെള്ളിയും ഉൾപ്പെടെ ഏഴ് മെഡലുകൾ നേടിയാണ് കുവൈത്ത് മെഡലുകളുടെ എണ്ണം ഉയർത്തിയത്.
15-16 വയസ്സിനിടയിലുള്ളവരുടെ 100x4 ഫ്രീസ്റ്റൈൽ റിലേ മത്സരത്തിൽ മുഹമ്മദ് സ്ബീദ്, അബ്ദുൽ വഹാബ് അൽ വഹീബ്, സൗദ് അൽ അൻസി, ഹസൻ അൽ സെയ്ലിക് എന്നിവർ വെള്ളി മെഡൽ നേടിയതാണ് അവസാന ദിവസത്തെ മികച്ച നേട്ടം. മറ്റിനങ്ങളിലായി ആറു മെഡുലുകളും അവസാന ദിവസം നേടി.
മൂന്ന് സ്വർണവും അഞ്ച് വെള്ളിയും 12 വെങ്കലവും ഉൾപ്പെടുന്നതാണ് കുവൈത്തിന്റെ മൊത്തം മെഡലുകൾ. 17 അറബ് രാജ്യങ്ങളിൽനിന്നുള്ള അത്ലറ്റുകൾ പങ്കെടുത്ത ചാമ്പ്യൻഷിപ്പിൽ കുവൈത്തനായി ആൺ കുട്ടികളും പെൺകുട്ടികളും അടങ്ങുന്ന 27 നീന്തൽ താരങ്ങൾ മത്സരിച്ചു. ചാമ്പ്യൻഷിപ്പിലെ മികച്ച പ്രകടനത്തിന് അത്ലറ്റുകളെ കുവൈത്ത് ടീം മേധാവി ഫൈസൽ അബ്ദുൽ ഹസ്സൻ അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.