കുവൈത്ത് സിറ്റി: കുവൈത്തിനെയും സൗദിയെയും ബന്ധിപ്പിക്കുന്ന പുതുതായി തുറന്ന അല്‍ റഖാഇ അതിർത്തി പ്രവേശന കവാടത്തില്‍ കൂടുതല്‍ വികസന പ്രവര്‍ത്തനങ്ങള്‍ നടപ്പില്‍ വരുത്തുമെന്നും യാത്രക്കാര്‍ക്ക് കൂടുതല്‍ സൗകര്യം ഉറപ്പാക്കുമെന്നും തീരുമാനം. സൗദിയിലെ കുവൈത്ത് അംബാസിഡര്‍ ശൈഖ് അലി ഖാലിദ് അല്‍ ജാബിര്‍ അസ്സബാഹ് സൗദി ആഭ്യന്തരമന്ത്രി അബ്ദുല്‍ അസീസ് ഇബ്‌നു സുഊദ് ബിന്‍ നായിഫ് അല്‍ സുഊദുമായി നടത്തിയ കൂടിക്കാഴ്ചയിലാണ് ഇതുസംബന്ധിച്ച് ധാരണയായത്. കുവൈത്തിെൻറ പല മേഖലകളിലും നിരവധി സൗകര്യങ്ങള്‍ സൗദി നൽകുന്നുണ്ടെന്നും ഇരു രാജ്യങ്ങള്‍ തമ്മിലുള്ള സൗഹൃദബന്ധം ഉൗഷ്മളമായി മുന്നോട്ടു പോകുന്നുണ്ടെന്നും അംബാസഡര്‍ പറഞ്ഞു. മേഖലയിലെ പ്രത്യേക സാഹചര്യം പരിഗണിച്ച് സുരക്ഷയുടെ കാര്യത്തില്‍ ഇരുരാജ്യങ്ങളും പരസ്പര സഹകരണത്തോടെ നില്‍ക്കുമെന്നും അദ്ദേഹം കൂട്ടിച്ചേര്‍ത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.