പിടികൂടിയ ലഹരിവസ്തുക്കൾ
കുവൈത്ത് സിറ്റി: മയക്കുമരുന്നു വസ്തുക്കളുമായി 23 പേർ പിടിയിലായി. ഇവരിൽ നിന്ന് 19.5 കിലോഗ്രാം വിവിധ മയക്കുമരുന്നുകൾ, 5,200 സൈക്കോട്രോപിക് ഗുളികകൾ, തോക്കുകൾ, വെടിക്കോപ്പുകൾ, വിൽപനയിൽ നിന്ന് ലഭിച്ച പണം എന്നിവ പിടിച്ചെടുത്തു. 17 കേസുകളിലായാണ് 23 പ്രതികൾ പിടിയിലായത്.
ലഹരിവിൽപനക്കാരെ ചെറുക്കാനും നിയമം നടപ്പാക്കുന്നതിന്റെയും ഭാഗമായി ക്രിമിനൽ സെക്യൂരിറ്റി വിഭാഗം നടത്തിയ പരിശോധനയിലാണ് പ്രതികൾ പിടിയിലായത്.ചോദ്യംചെയ്യലിൽ പിടിച്ചെടുത്ത വസ്തുക്കൾ കടത്തിനും ദുരുപയോഗത്തിനും വേണ്ടി എത്തിച്ചതാണെന്ന് പ്രതികൾ സമ്മതിച്ചു. പ്രതികളെയും പിടിച്ചെടുത്ത വസ്തുക്കളും നിയമ നടപടികൾക്കായി ബന്ധപ്പെട്ട വിഭാഗത്തിന് കൈമാറി. ലഹരികടത്ത്, വിൽപന, ഉപയോഗം എന്നിവക്കെതിരെ ശക്തമായ നടപടികൾ രാജ്യത്ത് നടന്നുവരുകയാണ്.
ഇത്തരം നിയമവിരുദ്ധ പ്രവർത്തനങ്ങളിൽ ഏർപ്പെടുന്നവർക്കെതിരെ കർശന നടപടി സ്വീകരിക്കുമെന്ന് ജനറൽ അഡ്മിനിസ്ട്രേഷൻ ഓഫ് സെക്യൂരിറ്റി റിലേഷൻസ് ആൻഡ് മീഡിയ വ്യക്തമാക്കി. സുരക്ഷാ ഉദ്യോഗസ്ഥരുമായി സഹകരിക്കാനും ലഹരി സംഘത്തെ കുറിച്ച് വിവരം ലഭിച്ചാൽ എമർജൻസി ഫോണിലും (112) ജനറൽ അഡ്മിനിസ്ട്രേഷൻ ഹോട്ട്ലൈനിലും (1884141) റിപ്പോർട്ട് ചെയ്യാനും ആഭ്യന്തര മന്ത്രാലയം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.