കുവൈത്ത് സിറ്റി: സുഹൃത്തിന്െറ കുത്തേറ്റു മരിച്ച തൃശൂര് നാട്ടിക പെരിഞ്ഞനം എരിങ്ങാതുരുത്തി രാജേഷ് രാധാകൃഷ്ണന്െറ മൃതദേഹം നാട്ടിലേക്ക് കൊണ്ടുപോയി. ചൊവ്വാഴ്ച രാത്രിയിലെ കൊച്ചിയിലേക്കുള്ള എമിറേറ്റ്സ് വിമാനത്തിലാണ് കൊണ്ടുപോയത്. സാമൂഹികപ്രവര്ത്തകരായ ഇഖ്ബാല് കുട്ടമംഗലം, മനോജ് മാവേലിക്കര എന്നിവരുടെ നേതൃത്വത്തിലാണ് നടപടിക്രമങ്ങള് പൂര്ത്തിയാക്കിയത്. ശനിയാഴ്ച രാത്രി 10 മണിയോടെ അബ്ബാസിയയിലെ താമസസ്ഥലത്തുവെച്ചാണ് വാക്തര്ക്കത്തെ തുടര്ന്ന് അടുത്തമുറിയിലെ താമസക്കാരനും സുഹൃത്തുമായ അന്സാറിന്െറ കുത്തേറ്റ് രാജേഷ് മരിച്ചത്. സംഭവം കുവൈത്തിലെ മലയാളികള്ക്കിടയില് ഏറെ നടുക്കമുളവാക്കിയിരുന്നു. ഒരേ ഫ്ളാറ്റില് താമസിച്ചിരുന്ന സുഹൃത്തുക്കള് തമ്മിലെ നിസ്സാര വഴക്കാണ് കൊലപാതകത്തിലത്തെിയത്. അന്സാര് പൊലീസ് കസ്റ്റഡിയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.