ബഹ്റൈൻ സ്പോർട്സ് ഡേയുടെ ഭാഗമായി യൂത്ത് ഇന്ത്യ നടത്തിയ ഫുട്ബാൾ ടൂർണമെന്റിൽനിന്ന്
മനാമ: ബഹ്റൈൻ സ്പോർട്സ് ഡേ ഭാഗമായി യൂത്ത് ഇന്ത്യ ഫുട്ബാൾ ക്ലബ് ടൂർണമെന്റ് നടത്തി. ഖമീസ് ജുവെന്റസ് ഗ്രൗണ്ടിൽ നടത്തിയ ടൂർണമെന്റിൽ 40 ഓളം കളിക്കാർ പങ്കെടുത്തു. വൈ.ഐ.എഫ്.സി യുനൈറ്റഡ്, വൈ.ഐ.എഫ്.സി ബ്ലാസ്റ്റേഴ്സ്, വൈ.ഐ.എഫ്.സി ക്ലാസിക്, വൈ.ഐ.എഫ്.സി ലെജന്ഡ്സ് ടീമുകൾ പങ്കെടുത്തു. ആവേശമേറിയ ലീഗ് മത്സരത്തിന്റെ ഫൈനലിൽ വൈ.ഐ.എഫ്.സി ലെജിൻഡ്സിനെ പരാജയപ്പെടുത്തി വൈ.ഐ.എഫ്.സി ക്ലാസിക് ജേതാക്കളായി.
വിജയികളായ വൈ.ഐ.എഫ്.സി ക്ലാസിക് ടീമംഗങ്ങൾക്ക് യൂത്ത് ഇന്ത്യ ബഹ്റൈൻ പ്രസിഡന്റ് അജ്മൽ ഷറഫുദീൻ വിന്നേഴ്സ് കപ്പ് നൽകി അതോടൊപ്പം പ്രവാസ ജീവിതത്തിൽ, യുവത്വത്തിന്റെ ആരോഗ്യം നിലനിർത്തുന്നതിൽ വൈ.ഐ.എഫ്.സിപോലുള്ള ക്ലബുകൾ നൽകുന്ന പങ്ക് വലുതാണ് എന്ന് അദ്ദേഹം കൂട്ടിച്ചേർത്തു. വൈ.ഐ.എഫ്.സി പ്രസിഡന്റ് സവാദ് കളിക്കാർക്ക് ആശംസകളറിയിച്ചു. അംഗങ്ങളായ, ഇജാസ്, മിന്ഹാജ്, ബദർ, റാഷിഖ്, അഹദ്, സിറാജ് ഹൈദ്രോസ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.