മനാമ: വിമൺ എക്രോസ് വനിത കൂട്ടായ്മ കെ.സി.എ ബഹ്റൈനുമായി സഹകരിച്ച് ‘ഷീ’ എന്നപേരിൽ വനിതാ ക്യാമ്പ് സംഘടിപ്പിച്ചു. സെഗയ്യ കെ.സി.എ ഹാളിൽ നടന്ന പരിപാടിയിൽ ബഹ്റൈനിലെ വിവിധ മേഖലകളിൽ നിന്നുള്ള വനിതകൾ പങ്കെടുത്തു. ബഹ്റൈനിലെ പ്രമുഖ ആരോഗ്യ വിദഗ്ധയും ഗൈനക്കോളജിസ്റ്റുമായ ഡോ. സില്വി ജോൺ (അൽ ഹിലാൽ ഹോസ്പിറ്റൽ).
പ്രമുഖ അധ്യാപികയും സംവിധായികയുമായ നിധി എസ്. മേനോൻ, ലൈവ് എഫ്.എം 107.2 റേഡിയോ ജോക്കിയും ഇൻഫ്ലുവൻസറുമായ ആർ.ജെ നൂർ, മോഡലും ചിത്രകാരിയുമായ ബ്ലസീന ജോർജ് എന്നിവർ ആരോഗ്യം, നൃത്തം, അഭിനയം, ചിത്രരചന തുടങ്ങിയ വിഷയങ്ങളിൽ സംസാരിക്കുകയും പ്രാക്ടിക്കൽ ക്ലാസുകൾക്ക് നേതൃത്വം നൽകുകയും ചെയ്തു. മാധുരി പ്രകാശ് ദേവ്ജി മുഖ്യാതിഥിയുംകെ.സി.എ പ്രസിഡന്റ് ജെയിംസ് ജോൺ ഗസ്റ്റ് ഓഫ് ഹോണറും ഡോ. നിധി മേനോൻ അതിഥിയുമായി പങ്കെടുത്തു.
ബഹ്റൈനിലെ സ്ത്രീകൾക്കിടയിലെ സാമൂഹികവും കലാപരവുമായ കഴിവുകളെ കണ്ടെത്താനും പരിചയപ്പെടുത്താനുമുള്ള വേദിയാണ് ഷീ എന്നും വിമൺ എക്രോസ് സംഘടിപ്പിക്കുന്ന ചാരിറ്റി പ്രവർത്തനങ്ങൾ പോലെ തന്നെ സ്ത്രീകളുടെ ശാരീരിക മാനസികമായ അഭിവൃദ്ധിയും ഉന്നമനവും തങ്ങളുടെ പരിപാടികളിലെ പ്രധാന ലക്ഷ്യങ്ങളിൽ ഒന്നാണെന്ന് വിമൺ എക്രോസ് ഫൗണ്ടർ സുമിത്ര പ്രവീൺ അറിയിച്ചു.
ഓരോ സ്ത്രീക്കും സ്വതന്ത്രമായി സംസാരിക്കാനും ആത്മവിശ്വാസത്തോടെ മുന്നേറാനും കഴിയുന്നൊരു ഇടം സൃഷ്ടിച്ചതിൽ ഞങ്ങൾ അഭിമാനിക്കുന്നു എന്നും ഷീ എന്ന പരിപാടിയെ വിജയകരമാക്കുന്നതിൽ പങ്കുവഹിച്ചവർക്കും പിന്തുണച്ചവർക്കും ഹൃദയം നിറഞ്ഞ നന്ദി സംഘാടകർ അറിയിച്ചു. കൂടുതൽ വിവരങ്ങൾക്ക് താഴെപ്പറയുന്ന നമ്പറിൽ ബന്ധപ്പെടാവുന്നതാണ്. 33442528/3457 5873
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.