മനാമ: യു.കെയിലെ വിൻഡ്‌സർ ഹോഴ്‌സ് ഫെസ്റ്റിവലിൽ ബഹ്‌റൈൻ റോയൽ എൻഡ്യൂറൻസ് ടീമിന് മികച്ച നേട്ടം.100 കിലോമീറ്റർ, 120 കിലോമീറ്റർ, 160 കിലോമീറ്റർ റെയ്സുകളിലാണ് ടീം മികച്ച സ്ഥാനങ്ങൾ കരസ്ഥമാക്കിയത്. ടീമിന് നൽകിയ പിന്തുണക്ക് ടീം ഡയറക്ടർ ഖാലിദ് അഹമ്മദ് ഹസ്സൻ, ശൈഖ് നാസർ ബിൻ ഹമദ് ആൽ ഖലീഫക്ക് നന്ദി പറഞ്ഞു. പ്രതികൂല കാലാവസ്ഥകളെ നേരിട്ടാണ് ടീം മത്സരത്തിന് തയാറെടുപ്പുകൾ നടത്തിയത്.
ശൈഖ് നാസറിന്റെ മാർഗനിർദേശമനുസരിച്ച് മത്സരിച്ച വിക്ടോറിയസ് ടീം 160 കിലോമീറ്റർ റെയ്സിൽ ഒന്നാം സ്ഥാനം കരസ്ഥമാക്കി. അബ്ദുൽ ജലീൽ അൽ അവധിയായിരുന്നു ടീമിനെ നയിച്ചത്. 120 കിലോമീറ്റർ ഓട്ടത്തിൽ അൽ റൂദ് ടീം റൈഡർ അഹമ്മദ് ഖാലിദ് അഹമ്മദ് അൽതവാദിയുടെ നേതൃത്വത്തിൽ വിജയം നേടി. വിക്ടോറിയസ് ടീമിലെ റൈഡർ സിസിലിയ ഗാർഷ്യ 100 കിലോമീറ്റർ ഓട്ടത്തിൽ ഒന്നാം സ്ഥാനം നേടി. മികച്ച നേട്ടം കരസ്ഥമാക്കാൻ ടീമിനെ സഹായിച്ച പരിശീലകരെ ടീം ഡയറക്ടർ ഖാലിദ് അഹമ്മദ് ഹസ്സൻ അഭിനന്ദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.