വിസ്ഡം സ്റ്റുഡന്റ്സ് ഗ്ലോബൽ വിങ് ജി.സി.സിയിലെ വിദ്യാർഥികൾക്കായി നടത്തുന്ന റിവൈവ് ടീൻസ് സ്പെഷൽ മീറ്റിന്റെ ഭാഗമായി നടത്തിയ പ്രി-റിവൈവ് പ്രോഗ്രാമിൽനിന്ന്
മനാമ: വിസ്ഡം സ്റ്റുഡന്റ്സ് ഗ്ലോബൽ വിങ് ജി.സി.സിയിലെ വിദ്യാർഥികൾക്കായി ജൂലൈ ഒന്നിന് നടത്തുന്ന റിവൈവ് ടീൻസ് സ്പെഷൽ മീറ്റിന്റെ ഭാഗമായി പ്രി-റിവൈവ് പ്രോഗ്രാം സംഘടിപ്പിച്ചു. അൽ ഹിദായ ജനറൽ സെക്രട്ടറി റിസാലുദ്ദീൻ പുന്നോൽ അധ്യക്ഷത വഹിച്ചു.
സോഷ്യൽ മീഡിയയുടെ അതിപ്രസരത്തിൽപ്പെടാതിരിക്കാൻ കുട്ടികൾ ജാഗ്രത പുലർത്തണമെന്ന് പ്രഭാഷണം നടത്തിയ ഷെമീർ ഫാറൂഖി പറഞ്ഞു.
ചെറുപ്പത്തിൽ ആർജിച്ചെടുക്കുന്ന ധാർമികബോധമാണ് ഒരു കുട്ടിയുടെ ജീവിതവിജയത്തിൽ പ്രധാനമായതെന്നും മാറുന്ന കാലത്ത് വിജയത്തിന്റെ പാതയായി സോഷ്യൽ മീഡിയയെ ഉപയോഗിക്കണമെന്നും അദ്ദേഹം കൂട്ടിച്ചേർത്തു. വിസ്ഡം ഗ്ലോബൽ വിങ് കൺവീനർ ജിയാദ് കാനഡ പ്രമേയം അവതരിപ്പിച്ചു.
അൽ റെയ്യാൻ സ്റ്റഡി സെന്റർ പ്രിൻസിപ്പൽ ലത്തീഫ് ചാലിയം ആശംസകൾ നേർന്നു. വിസ്ഡം സ്റ്റുഡന്റ് പ്രോഗ്രാം കോഓഡിനേറ്റർ ഒ.വി. ഷംസീർ പരിപാടികൾ നിയന്ത്രിച്ചു.
വി.കെ. നഫ്സിൻ സ്വാഗതവും അൽ ഹിദായ ഓർഗനൈസിങ് സെക്രട്ടറി ബിനു ഇസ്മായിൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.