സൗദി ടൂറിസം അതോറിറ്റി അധികൃതർ ബഹ്റൈനിലെ ട്രാവൽ ആൻഡ് ടൂറിസം കമ്പനികളുടെ പ്രതിനിധികളുമായി നടത്തിയ കൂടിക്കാഴ്ച
മനാമ: സൗദി അറേബ്യയിലെ വിനോദസഞ്ചാര സാധ്യതകൾ ജി.സി.സി രാജ്യങ്ങളിൽ പരിചയപ്പെടുത്തുന്നതിന്റെ ഭാഗമായി സൗദി ടൂറിസം അതോറിറ്റി അധികൃതർ ബഹ്റൈനിൽ പര്യടനം നടത്തി. ജി.സി.സി രാജ്യങ്ങളിൽനിന്ന് കൂടുതൽ വിനോദ സഞ്ചാരികളെ ആകർഷിച്ച് രാജ്യത്തെ ടൂറിസം മേഖലയെ ശക്തിപ്പെടുത്തുകയാണ് പര്യടന ലക്ഷ്യം. മനാമയിലെ ഫോർ സീസൺസ് ഹോട്ടലിൽ നടന്ന കൂടിക്കാഴ്ചയിൽ ബഹ്റൈനിലെ പ്രമുഖ ട്രാവൽ ആൻഡ് ടൂറിസം കമ്പനികളുടെ പ്രതിനിധികളും പങ്കെടുത്തു. സൗദി അറേബ്യയിലെ വിനോദ സഞ്ചാര കേന്ദ്രങ്ങളെക്കുറിച്ച് കൂടിക്കാഴ്ചയിൽ പരിചയപ്പെടുത്തി. ബഹ്റൈനിൽനിന്നുള്ള വിനോദ സഞ്ചാരികളുടെ ഏറ്റവും പ്രിയപ്പെട്ട രാജ്യമാണ് സൗദി അറേബ്യയെന്ന് സൗദി ടൂറിസം അതോറിറ്റി സി.ഇ.ഒ ഫഹദ് ഹാമിദ് അൽ ദിൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.