ബഹ്റൈൻ-ഇന്ത്യ സൊസൈറ്റി ഭാരവാഹികൾ തൊഴിൽ, സാമൂഹിക ക്ഷേമ മന്ത്രിയും എൽ.എം.ആർ.എ അധ്യക്ഷനുമായ ജമീൽ ബിൻ മുഹമ്മദ് അലി ഹുമൈദാനൊപ്പം
മനാമ: ബഹ്റൈൻ-ഇന്ത്യ സൊസൈറ്റി ഭാരവാഹികളുമായി തൊഴിൽ, സാമൂഹിക ക്ഷേമ മന്ത്രിയും എൽ.എം.ആർ.എ അധ്യക്ഷനുമായ ജമീൽ ബിൻ മുഹമ്മദ് അലി ഹുമൈദാൻ കൂടിക്കാഴ്ച നടത്തി. സൊസൈറ്റി അധ്യക്ഷൻ അബ്ദുൽറഹ്മാൻ മുഹമ്മദ് ജുമായുടെ നേതൃത്വത്തിലാണ് ഭാരവാഹികൾ മന്ത്രിയെ സന്ദർശിച്ചത്.
ഇന്ത്യയും ബഹ്റൈനും തമ്മിലുള്ള സൗഹൃദം ശക്തിപ്പെടുത്താനും സാമൂഹിക, സാംസ്കാരിക രംഗത്തെ അനുഭവങ്ങൾ കൈമാറ്റാനും ചെയ്യുന്നതിനും സൊസൈറ്റി നടത്തുന്ന ശ്രമങ്ങളെക്കുറിച്ച് ഇരുകൂട്ടരും ചർച്ച ചെയ്തു.
ഇന്ത്യയുമായുള്ള ചരിത്രപരമായ ബന്ധത്തെയും ഉഭയകക്ഷി സഹകരം ശക്തിപ്പെടുത്താൻ സൊസൈറ്റി നടത്തുന്ന പ്രവർത്തനങ്ങളെയും മന്ത്രി അഭിനന്ദിച്ചു. സംയുക്ത നിക്ഷേപം പ്രോത്സാഹിപ്പിക്കുന്നതിനും തൊഴിൽ വിപണിയിൽ സാങ്കേതികാനുഭവങ്ങൾ കൈമാറ്റം ചെയ്യുന്നതിനും സൊസൈറ്റി വഹിക്കുന്ന പങ്ക് പ്രശംസനീയമാണെന്നും അദ്ദേഹം അഭിപ്രായപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.