ഓ​ർ​മ​യി​ലെ റ​മ​ദാ​ൻ നി​ലാ​വു​ക​ൾ

അ​ത്ത​റി​ന്റെ മ​ണം മാ​റി കാ​ര​ക്ക​യു​ടെ രു​ചി നാ​വി​ലേ​ക്കൂ​റു​ന്ന പു​ണ്യ​ങ്ങ​ളു​ടെ പൂ​ക്കാ​ലം. നോ​മ്പ് കാ​ല​മെ​ത്തു​മ്പോ​ഴൊ​ക്കെ ഞാ​ൻ എ​ന്റെ കു​ട്ടി​ക്കാ​ല​ത്തേ​ക്ക് ഊ​ളി​യി​ടാ​റു​ണ്ട്. പ​ത്ത് പ​തി​ന​ഞ്ച് കൊ​ല്ലം പി​റ​കി​ലേ​ക്ക്. പ​റ​യ​ത്ത​ക്ക വി​ദൂ​ര​മ​ല്ലെ​ങ്കി​ലും ഓ​ർ​മ​ക​ളി​ൽ കു​ട്ടി​ക്കാ​ല​വും നോ​മ്പോ​ർ​മ​ക​ളും ഒ​ന്ന് വേ​റെ ത​ന്നെ​യാ​ണ്. റ​മ​ദാ​നെ വ​ര​വേ​ൽ​ക്കു​ന്ന​തി​ന്റെ മു​ന്നോ​ടി​യാ​യി ശ​അ്ബാ​ൻ പി​റ​വി​യെ​ടു​ക്കു​മ്പോ​ഴേ​ക്കും നാ​ട്ടി​ൻ​പു​റ​ത്തൊ​ക്കെ ന​ന​ച്ചു​കു​ളി​യു​ടെ തി​ര​ക്കാ​വും. വീ​ട്ടി​ലെ സ​ക​ല സാ​ധ​ന​വും വെ​ളി​യി​ലേ​ക്കി​ട്ട് തേ​ച്ച് ക​ഴു​കും. പാ​റോ​ത്തി​ന്റെ (തേ​ര​കം) ഇ​ല​യാ​ണ് മ​ര​ത്തി​ന്റെ സ്റ്റൂ​ളും മേ​ശ​യും പ​ത്താ​യ​വു​മെ​ല്ലാം ഉ​ര​ച്ചു ക​ഴു​കാ​നു​പ​യോ​ഗി​ക്കു​ക. മ​റ്റു പ​ത്ര​ങ്ങ​ളെ​ല്ലാം തേ​ച്ചു വെ​ളു​പ്പി​ക്കാ​ൻ വെ​ണ്ണീ​റാ​ണ് (ചാ​രം) എ​ടു​ക്കു​ക. ര​ണ്ട് മൂ​ന്ന് ദി​വ​സം കൊ​ണ്ട് ന​ന​ച്ചു​കു​ളി അ​വ​സാ​നി​ക്കും.

നോ​മ്പ് കാ​ല​ത്തേ​ക്കു​ള്ള ഭ​ക്ഷ​ണ​സാ​ധ​ന​ങ്ങ​ൾ ത​യാ​റാ​ക്ക​ലും അ​ടു​ക്കി​വെ​ക്ക​ലു​മാ​യി​രി​ക്കും പി​ന്നീ​ടു​ള്ള ദി​വ​സ​ങ്ങ​ൾ. പ​ത്തി​രി​ക്കു​ള്ള പൊ​ടി ത​യാ​റാ​ക്കു​ന്ന​ത് ഞാ​ൻ നോ​ക്കി​യി​രി​ക്കാ​റു​ണ്ടാ​യി​രു​ന്നു. പ​ത്തി​രു​പ​ത്ത​ഞ്ച് കി​ലോ പ​ച്ച​രി ക​ഴു​കി ഉ​ണ​ക്കി ഉ​ര​ലി​ലി​ട്ട് ഇ​ടി​ക്കും. ശേ​ഷം വ​റു​ത്ത് വ​ലി​യൊ​രു പാ​ത്ര​ത്തി​ലാ​ക്കി വെ​ക്കും. മേ​മ​മാ​ർ ഓ​രോ​രു​ത്ത​രാ​യി മാ​റി മാ​റി അ​രി ഉ​ര​ലി​ലി​ട്ട് ഇ​ടി​ക്കു​ന്ന​തും അ​തേ​സ​മ​യം ഇ​ടി​ച്ച പൊ​ടി​ക​ൾ ഉ​മ്മ​ച്ചി ഒ​രു പ്ര​ത്യേ​ക താ​ള​ത്തി​ൽ ഇ​രു​ന്ന് വ​റു​ക്കു​ന്ന​തും ഒ​ക്കെ നോ​ക്കി​യി​രി​ക്കാ​ൻ ര​സ​മാ​യി​രു​ന്നു. അ​വ​ർ​ക്കി​ട​യി​ലു​ള്ള പ​ര​സ്പ​ര സ​ഹ​ക​ര​ണ​വും ക​ള​ങ്ക​മി​ല്ലാ​ത്ത സ്നേ​ഹ​വും എ​ല്ലാം മാ​തൃ​ക​യാ​കാ​ൻ കെ​ൽ​പു​ള്ള​താ​യി​രു​ന്നു. മ​ന​സ്സു​കൊ​ണ്ടും ശ​രീ​രം കൊ​ണ്ടും മ​റ്റു​മു​ള്ള ഒ​രു​ക്ക​ങ്ങ​ളെ​ല്ലാം പൂ​ർ​ത്തി​യാ​കു​മ്പോ​ഴേ​ക്കും റ​മ​ദാ​ൻ അ​ടു​ത്തെ​ത്തി​യി​ട്ടു​ണ്ടാ​കും.

അ​ന്ന് ഞ​ങ്ങ​ളു​ടെ സ്കൂ​ൾ മാ​പ്പി​ള സ്കൂ​ൾ ആ​യി​രു​ന്നു. അ​ത് കൊ​ണ്ടു​ത​ന്നെ നോ​മ്പ് കാ​ലം സ്കൂ​ളി​ന് അ​വ​ധി​യാ​യി​രു​ന്നു. സ്കൂ​ളും മ​ദ്റ​സ​യു​മി​ല്ലാ​ത്ത​ത് കൊ​ണ്ട് നോ​മ്പ് പി​ടി​ക്ക​ൽ നി​ർ​ബ​ന്ധ​മാ​യി​രു​ന്നു. ത​റ​വീ​ഹി​ന് ശേ​ഷം ഉ​മ്മ ന​മ​സ്കാ​ര പാ​യ​യി​ൽ​നി​ന്ന് എ​ഴു​ന്നേ​ൽ​ക്കു​ന്ന​തി​ന് മു​മ്പു​ത​ന്നെ എ​ല്ലാ​വ​രും കേ​ൾ​ക്കെ ‘ന​വ​യ്തു, സൗ​മ​ഒ​ദി​ൻ..’ എ​ന്ന് തു​ട​ങ്ങി നി​യ്യ​ത്ത് ചെ​ല്ലി​ത്ത​രും. ഞ​ങ്ങ​ൾ ഏ​റ്റു​ചെ​ല്ലും. അ​ത്താ​ഴ​ത്തി​നെ​ണീ​റ്റാ​ൽ പി​ന്നെ ‘ഇ​നി തു​റ​ക്കു​ന്ന​തു​വ​രെ ഒ​ന്നും കി​ട്ടി​ല്ല’ എ​ന്ന ആ​ധി​യി​ൽ ബാ​ങ്ക് കൊ​ടു​ക്കു​വോ​ളം വെ​ള്ളം കു​ടി​ച്ചും മ​റ്റും നോ​മ്പ് ഉ​റ​പ്പി​ക്കും. സൂ​ര്യ​നു​ദി​ക്കു​ന്ന​തു​വ​രെ ഉ​പ്പ ഞ​ങ്ങ​ളെ ഖു​ർ​ആ​നോ​തി​പ്പി​ക്കും. പി​ന്നീ​ടൊ​ന്നു​റ​ങ്ങി എ​ഴു​ന്നേ​ൽ​ക്കു​മ്പോ​ഴേ​ക്കും വി​ശ​പ്പ് തു​ട​ങ്ങും. വാ​യി​ൽ വ​രു​ന്ന ഓ​രോ ഉ​മി​നീ​രും തു​പ്പി നോ​മ്പ് തു​റ​ക്കാ​ൻ സ​മ​യ​മാ​കു​ന്ന​തു​വ​രെ ക്ലോ​ക്കി​ൽ നോ​ക്കി​യും കോ​ലാ​യി​ലി​രു​ന്നും നേ​രം പോ​ക്കും. റ​മ​ദാ​നി​ലെ ആ​ദ്യ​ത്തെ പ​ത്ത് കു​ട്ടി​ക​ൾ​ക്കു​ള്ള​താ​ണെ​ന്ന് വ​ലി​യു​പ്പ പ​റ​യു​മ്പോ​ൾ പ​ത്ത് നോ​മ്പ് മാ​ത്രം നോ​റ്റാ​ൽ മ​തി​യെ​ന്നാ​യി​രു​ന്നു ക​രു​ത​ൽ.

പ​ള്ളി​യി​ൽ ക്ലാ​സി​ന് പോ​കു​മ്പോ​ൾ ഉ​സ്താ​ദ് വി​ശ​ക്കു​ന്ന​വ​ന്റെ വേ​ദ​ന​യെ​ക്കു​റി​ച്ച് പ​റ​യു​മ്പോ​ൾ എ​നി​ക്കെ​ന്റെ വി​ശ​പ്പി​നെ​ക്കു​റി​ച്ച് മാ​ത്ര​മേ ചി​ന്ത​യു​ണ്ടാ​വു​ള്ളൂ. ചി​ല ദി​വ​സ​ങ്ങ​ളി​ലെ അ​ര​നോ​മ്പു​ക​ളും ഇ​ട​ക്ക് വു​ളു എ​ടു​ക്കു​മ്പോ​ൾ ആ​രും കാ​ണാ​തെ വെ​ള്ളം കു​ടി​ക്കു​ന്ന​തും ത​റ​വീ​ഹി​ൽ സു​ജൂ​ദി​ൽ കി​ട​ന്നു​റ​ങ്ങു​ന്ന​തു​മെ​ല്ലാം ഓ​ർ​ക്കു​മ്പോ​ൾ ഇ​ന്നും ചി​രി​വ​രും.

നോ​മ്പു​കാ​ല​ത്തെ പ്ര​ത്യേ​ക യാ​ത്ര​യാ​യി​രു​ന്നു ഉ​മ്മാ​ടെ വീ​ട്ടി​ൽ നോ​മ്പ് തു​റ​ക്കാ​ൻ പോ​കു​ന്ന​ത്. പ​ല​പ്പോ​ഴും ഒ​ന്നാ​മ​ത്തെ പ​ത്ത് ക​ഴി​ഞ്ഞി​ട്ടാ​യി​രി​ക്കും ഈ ​വി​രു​ന്ന് പോ​വ​ൽ. ന​ടു​വ​ണ്ണൂ​രി​ൽ ബ​സി​റ​ങ്ങി ര​ണ്ട് കി​ലോ​മീ​റ്റ​റോ​ളം പാ​ട​ത്തൂ​ടെ ന​ട​ന്നി​ട്ടു​വേ​ണം ത​റ​വാ​ട്ടി​ലെ​ത്താ​ൻ. ‘എ​ത്ര നോ​മ്പ് നോ​റ്റ്ന്നാ​യി​രി​ക്കും’ കാ​ണു​മ്പോ​ഴേ​ക്ക് എ​ല്ലാ​വ​രും ചോ​ദി​ക്കു​ക. നോ​റ്റ നോ​മ്പി​ന്റെ എ​ണ്ണം മ​റ്റു​ള്ള​വ​രെ​ക്കാ​ൾ കൂ​ടു​ത​ലാ​ണെ​ങ്കി​ൽ വ​ല്യ അ​ഭി​മാ​ന​ത്തി​ൽ ഞെ​ളി​ഞ്ഞ് നി​ൽ​ക്കും. നോ​മ്പു​തു​റ​ക്ക് ത​റ​വാ​ട്ടി​ലെ ട​യ​ർ പ​ത്തി​രി​യും കു​ഞ്ഞി പ​ത്ത​ലും ആ​യി​രി​ക്കും സ്പെ​ഷ​ൽ വി​ഭ​വം. അ​ന്ന് ത​റ​വാ​ടി​ന​ടു​ത്ത വീ​ട്ടി​ലെ ച​ന്ദ്രേ​ട​ത്തി നോ​മ്പെ​ടു​ക്കു​ന്ന​ത് കാ​ണു​മ്പോ​ൾ എ​നി​ക്ക് ഏ​റെ അ​ദ്ഭു​തം തോ​ന്നാ​റു​ണ്ടാ​യി​രു​ന്നു. മ​ഗ്രി​ബ് ആ​വാ​ൻ നേ​രം വ​ല്യ​മ്മ അ​വ​രെ ‘നോ​മ്പ് തു​റ​ക്കാ​നാ​യി’ എ​ന്ന് അ​റി​യി​ക്കും. വ​രു​മ്പോ​ൾ അ​വ​ർ കൈ​യി​ൽ പ​ഴ​ങ്ങ​ൾ എ​ന്തെ​ങ്കി​ലും ക​രു​തും. ത​റ​വാ​ട്ടി​ലെ ഉ​മ്മ​റ കോ​ലാ​യി​യി​ൽ ഞ​ങ്ങ​ളോ​ടൊ​പ്പ​മി​രു​ന്ന് നോ​മ്പ് തു​റ​ക്കു​ന്ന​ത് കാ​ണു​മ്പോ​ൾ പ്ര​ത്യേ​ക സം​തൃ​പ്തി ആ​യി​രു​ന്നു.

ഉ​മ്മാ​ടെ വീ​ട്ടി​ലെ ര​ണ്ട് ദി​വ​സ​ത്തെ നോ​മ്പു​തു​റ​യും ക​ഴി​ഞ്ഞ് തി​രി​കെ വ​രു​മ്പോ​ൾ ഉ​ള്ളി​ൽ ഒ​രു വി​ഷ​മം ഉ​ണ്ടാ​കു​മെ​ങ്കി​ലും ‘സ​കാ​ത് പൈ​സ’​യു​ടെ ക​നം കൂ​ടി​യി​ട്ടു​ണ്ടാ​കും. ച​ന്ദ്രേ​ട​ത്തി​യു​ടെ വ​ക​യു​മു​ണ്ടാ​യി​രു​ന്നു സ​കാ​ത്. പ​ത്തി​ന്റെ​യും ഇ​രു​പ​തി​ന്റെ​യും പു​തി​യ നോ​ട്ടു​ക​ൾ വീ​ടി​ലെ​ത്തു​ന്ന​ത് വ​രെ ഇ​ട​ക്കി​ട​ക്ക് എ​ടു​ത്ത് നോ​ക്കി എ​ണ്ണി​വെ​ക്കും. നോ​മ്പി​ന്റെ​യും സ​കാ​ത്തി​ന്റെ​യും എ​ണ്ണം കൂ​ടു​ന്ന​തി​ന​നു​സ​രി​ച്ച് റ​മ​ദാ​ൻ വി​ട​പ​റ​യാ​നൊ​രു​ങ്ങും.

ശ​വ്വാ​ലി​ന്റെ മാ​സ​പ്പി​റ​വി​യി​ൽ ത​ക്ബീ​ർ ധ്വ​നി​ക​ളാ​ലും മൈ​ലാ​ഞ്ചി ചോ​പ്പി​നാ​ലും 30 ദി​വ​സ​ത്തെ വ്ര​താ​നു​ഷ്ഠാ​ന​ത്തി​ന്റെ വി​ജ​യാ​ഹ്ലാ​ദ​ങ്ങ​ളാ​യി​രി​ക്കും എ​ങ്ങും.

റ​മ​ദാ​ൻ വെ​റും ഭ​ക്തി​പൂ​ർ​വ​മു​ള്ള പ​ട്ടി​ണി മാ​ത്ര​മ​ല്ല. സ്നേ​ഹ​ത്തി​ന്റെ​യും സാ​ഹോ​ദ​ര്യ​ത്തി​ന്റെ​യും ധ​ർ​മ​ത്തി​ന്റെ​യും ഐ​ക്യ​ത്തി​ന്റെ​യു​മെ​ല്ലാം മാ​സ​മാ​ണ്. മ​റ്റു മാ​സ​ങ്ങ​ളെ​ക്കാ​ൾ പ്ര​കാ​ശി​ച്ചു നി​ൽ​ക്കു​ന്ന ഈ ​റ​മ​ദാ​നി​ലെ നി​ലാ​വി​നെ കൂ​ടു​ത​ൽ മ​നോ​ഹ​ര​മാ​ക്കു​ന്ന​ത് മാ​ന​വ​മ​ന​സ്സി​ലെ ന​ന്മ​യു​ടെ വെ​ളി​ച്ചം കൂ​ടെ​യാ​ണ്.