മനാമ: കഴിഞ്ഞമാസം വാങ്ങിയ 25 സെൻറ് ഭൂമിയിലെ 20 സെൻറും പ്രളയബാധിതർക്ക് നൽകാനുള്ള തെൻറ തീരുമാനത്തെ സോഷ്യ ൽ മീഡിയയിൽ വൈറൽ ആക്കിയവരോട് ബഹ്റൈൻ പ്രവാസി വനിതയായ ജിജിക്ക് ചോദിക്കാനുള്ളത് ഇതാണ്. െഫയിസ്ബുക്കിലൂട െ ലൈക്കും ഷെയറും ചെയ്യുന്നത് മാത്രമല്ല നാടിനോടുള്ള കടമ. പ്രളയബാധിതർക്കായി നൂറ് രൂപ എങ്കിലും നൽകാൻ നിങ്ങളിൽ എത്രപേർ തയ്യാറുണ്ട്’. പ്രശസ്തിക്ക് വേണ്ടിയല്ല ഭൂമി നൽകിയതെന്നും ഭൂമി നൽകാനുള്ള തീരുമാനം കൂട്ടുകാരിയെ അറിയിച്ചപ്പോൾ അവർ വഴിയാണ് സാമൂഹിക മാധ്യമങ്ങളിൽ ഇക്കാര്യം വൈറൽ ആയതെന്നും ജിജി വ്യക്തമാക്കി.
ഇതിെൻറ പേരിൽ അഭിനന്ദിക്കുന്നവരോടും ജിജിക്ക് പറയാനുള്ളത് നാടിനോടുള്ള കടമ മനസിലാക്കി പ്രളയബാധിതർക്കായി കഴിയുന്ന സഹായ പ്രവർത്തനങ്ങൾ െചയ്യണം എന്നാണ്. 10 വർഷത്തെ പ്രവാസജീവിതത്തിലെ അദ്ധ്വാനംക്കൊണ്ട് മലപ്പുറം വഴിക്കടവ് പഞ്ചായത്തിൽ മൊടപ്പൊയ്കയിൽ വാങ്ങിയ ഭൂമിയാണ് ജിജി പ്രളയബാധിതർക്കായി നൽകുന്നത്. 10 വർഷംമുമ്പ് ഭർത്താവ് മഞ്ഞപ്പിത്തംമൂലം മരിച്ചശേഷം മൂന്ന് മക്കളുമായി ജീവിതം മുന്നോട്ട് കൊണ്ടുപോകാനാകാതെ പട്ടിണിയും പരിവട്ടവുമായി കഴിഞ്ഞയാളാണ് ജിജി. ദുരിതങ്ങളിലൂടെ സഞ്ചരിച്ച സാഹചര്യമാണ് ഇത്തരമൊരു പ്രവൃത്തിക്ക് അവരെ പ്രേരിപ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.