മനാമ: ബഹ്റൈന് സന്ദര്‍ശിക്കുന്ന ഫിലിപ്പീന്‍ വിദേശകാര്യ മന്ത്രാലയത്തിലെ മൈഗ്രൻറ് വര്‍കേഴ്സ് കാര്യ അണ്ടര്‍ സെക്രട്ടറി സാറ ലോ അരിയോളയുമായി വിദേശകാര്യ മന്ത്രാലയ അണ്ടര്‍ സെക്രട്ടറി ഡോ. ശൈഖ റന ബിന്‍ത് ഈസ ബിന്‍ ദുഐജ് ആല്‍ ഖലീഫ ചര്‍ച്ച നടത്തി. ബഹ്റൈെൻറ വളര്‍ച്ചയിലും പുരോഗതിയിലും ഫിലിപ്പീന്‍ പ്രവാസികളുടെ പങ്ക് ശ്ലാഘനീയമാണെന്ന് അവര്‍ പറഞ്ഞു. ബഹ്റൈനുമായി ബന്ധം ശക്തമാക്കുന്നതിന് ഫിലിപ്പീന്‍ നയതന്ത്ര കാര്യാലയം നടത്തിക്കൊണ്ടിരിക്കുന്ന ശ്രമങ്ങളെയും അവര്‍ അഭിനന്ദിച്ചു. വിവിധ മേഖലകളില്‍ ഫിലിപ്പീന്‍സുമായുള്ള സഹകരണം ബഹ്റൈന് പ്രതീക്ഷ നല്‍കുന്നതാണ്. ബഹ്റൈനിലെ വിദേശ സമൂഹത്തിെൻറ അവകാശങ്ങള്‍ സംരക്ഷിക്കുന്നതിനും മെച്ചപ്പെട്ട ജീവിതം ഉറപ്പാക്കുന്നതിനും ബഹ്റൈന് നടത്തിക്കൊണ്ടിരിക്കുന്ന ശ്രമങ്ങള്‍ അഭിനന്ദനീയമാണെന്ന് അരിയോള പറഞ്ഞു. മനുഷ്യക്കടത്തിനനെതിരായി ബഹ്റൈനിലെ പ്രവര്‍ത്തനങ്ങള്‍ അന്താരാഷ്ട്ര തലത്തിലും മേഖലയിലും ശ്രദ്ധിക്കപ്പെട്ടു കൊണ്ടിരിക്കുന്നുവെന്നും അവര്‍ കൂട്ടിച്ചേര്‍ത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.