‘ലോക ​േകരള സഭ’യിൽ  പ​െങ്കടുക്കാൻ ആട്​ ജീവിതത്തിലെ നജീബും

മനാമ: കേരള ഗവൺമ​​െൻറ്​ ഇൗ മാസം12,13 തിയ്യതികളിൽ തിരുവനന്തപുരത്ത്​ പ്രവാസികൾക്കായി നടത്തുന്ന ലോക കേരള സഭയിൽ പ​െങ്കടുക്കുന്നതിനായി ‘ആട്​ ജീവിത’ത്തിലെ കഥാനായകൻ നജീബും. ബഹ്​റൈനിൽ നിന്നുള്ള തെരഞ്ഞെടുക്കപ്പെട്ട പ്രവാസി സംഘടന നേതാക്കൾക്കൊപ്പമാണ്​ നജീബിനും ക്ഷണം എത്തിയത്​. ഹരിപ്പാട്​ ആറാട്ടുപുഴ സ്വദേശിയായ ഇ​േദ്ദഹം ഇന്ന്​ നാട്ടിലേക്ക്​ വിമാനം കയറും. 15 ദിവസത്തെ ലീവ്​ എടുത്താണ്​ നജീബി​​​െൻറ യാത്ര. ബിന്യാമി​​​െൻറ നോവലിലൂടെ ലക്ഷക്കണക്കിന്​ മലയാളികൾക്ക്​  സുപരിചിതനായി മാറിയ ഇദ്ദേഹം അണിയറയിൽ നിന്നും അരങ്ങിലെത്തുന്നു എന്ന പ്രത്യേകതയുമുണ്ട്​.

ആഹ്ലാദമുണ്ട്​ ഇൗ ഭാഗ്യം ലഭിച്ചതിലെന്നാണ്​ നജീബ്​ ഗൾഫ്​ മാധ്യമത്തോട്​ പറഞ്ഞത്​. വിവിധ രാജ്യങ്ങളിലായി പ്രവാസ ജീവിതം നയിക്കുന്നതിൽ അതീവ വേദന അനുഭവിച്ചവരുടെ പ്രതിനിധിയായാണ്​ താൻ ‘ലോക കേരള സഭ’യിൽ പ​െങ്കടുക്കുന്നത്​. എ​​​െൻറ കഥ എഴുത്തുകാരനിലൂടെ ലോകം കേട്ടു. എന്നാൽ കേൾക്കാതെ പോയ കഥകൾ എത്രയോയുണ്ടാകണം. കണ്ണ്​ നിറഞ്ഞുകൊണ്ട്​ നജീബ്​ പറയുന്നു.  ഗൾഫിലെ​ ആടുജീവിതത്തിനുശേഷം നാട്ടിലെത്തിയ നാളുകളിലാണ്​ സുനാമി ഉണ്ടാകുന്നതും ഇദ്ദേഹത്തി​​​െൻറ വീടിനും കടൽത്തിരകളാൽ നാശനഷ്​ടമുണ്ടായതും. അഞ്ച്​ സ​​െൻറിലെ കേടുസംഭവിച്ച വീടും, ഒപ്പം തൊഴിലില്ലായ്​മയും അലട്ടിയപ്പോൾ വിസ സംഘടിപ്പിച്ച്​  ആദ്യമായി ബഹ്​റൈനിലേക്ക്​ പുറപ്പെട്ടു. 15 വർഷമായിരിക്കുന്നു ഇവിടെയെത്തിയിട്ട്​. ഒരു സ്​ക്രാപ്പ്​ കമ്പനിയിൽ ജീവനക്കാരനാണ്​. പ്രാരാബ്​ദങ്ങളൊന്നും മാറിയിട്ടില്ല. എ​​​െൻറ ശമ്പളം കൊണ്ട്​ നാട്ടിൽ പട്ടിണികൂടാതെ ഭാര്യ സഫിയത്തും മകൾ സഫീനയും ജീവിക്കുന്നു എന്നുമാത്രം. മകൾ വിദ്യാർഥിനിയാണ്​. പഠനച്ചെലവ്​ വഹിക്കാൻ കൂടി പാടുപെടുകയാണ്​. മകൻ സഫീർ പ്രവാസിയാണ്​. 

അന്ന്​ സുനാമി ആക്രമണം ഉണ്ടായപ്പോൾ വീട്​ പൊളിച്ച്​ പുതുതായി വയ്​ക്കാൻ ഗവൺമ​​െൻറ്​ രണ്ടര ലക്ഷം പ്രഖ്യാപിച്ചിരുന്നു. പൊളിച്ചശേഷം വീടുവെക്കാൻ ആ തുക കൊണ്ടുമാത്രം കഴിയില്ല എന്നുള്ളതിനാൽ ആ പണം സ്വീകരിക്കാൻ പോയില്ല. ഉപ്പുവെള്ളം കയറിയതിനാൽ വീടി​ന്​ കേട്പാടുകൾ ഏറെ സംഭവിച്ചു. അതൊന്ന്​ നന്നാക്കാൻ പോലും കഴിയാത്ത അവസ്ഥയാണെന്നും നജീബ്​ വ്യക്തമാക്കുന്നു. അത്യപൂർവ്വമായ ജീവിത അധ്യായങ്ങൾ പിന്നിട്ട അമ്പത്തിയഞ്ചുകാരനായ നജീബ്​ പറഞ്ഞുനിർത്തി.