എസ്.എൻ.സി.എസ് മെംബർഷിപ് ഫോറം, മീഡിയ ഫോറം
പ്രവർത്തനോദ്ഘാടനചടങ്ങ്
മനാമ: ശ്രീനാരായണ കൾചറൽ സൊസൈറ്റിയുടെ ഉപവിഭാഗങ്ങളായ മെംബർഷിപ് ഫോറത്തിന്റെയും മീഡിയ ഫോറത്തിന്റെയും പ്രവർത്തനോദ്ഘാടനം എസ്.എൻ.സി.എസ് സിൽവർ ജൂബിലി ഹാളിൽ നടന്നു. ബി.എം.സി ചെയർമാൻ ഫ്രാൻസിസ് കൈതാരത്ത് ഭദ്രദീപം കൊളുത്തി ഉദ്ഘാടനം നിർവഹിച്ചു. മീഡിയ ഫോറം കൺവീനർ കെ.കെ. പ്രശാന്ത് സ്വാഗതം ആശംസിച്ചു. മെംബർഷിപ് സെക്രട്ടറി ഷിബു രാഘവൻ അധ്യക്ഷത വഹിച്ചു.
വൈസ് ചെയർമാൻ കെ.പി. പ്രകാശ് , ജനറൽ സെക്രട്ടറി എം.എസ്. ശ്രീകാന്ത്, മീഡിയ ഫോറം കോഓഡിനേറ്റർ സനീഷ് എന്നിവർ ആശംസകൾ അറിയിച്ചു. സുചിത്ര ബിജു പരിപാടിയുടെ മുഖ്യ അവതാരകയായിരുന്നു. കുട്ടികൾ അവതരിപ്പിച്ച നൃത്തവും മിന്നൽ ബീറ്റ്സ് അവതരിപ്പിച്ച ഗാനമേളയും ചടങ്ങിനു മിഴിവേകി. മെംബർഷിപ് കൺവീനർ പ്രാജോഷ് പ്രഭാകരൻ നന്ദി രേഖപ്പെടുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.