കൊല്ലം പ്രവാസി അസോസിയേഷൻ ഹമദ് ടൗൺ അൽ അമൽ ഹോസ്പിറ്റലിൽ നടത്തിയ
മെഗാ മെഡിക്കൽ ക്യാമ്പ്
മനാമ: കൊല്ലം പ്രവാസി അസോസിയേഷൻ ഹമദ് ടൗൺ ഏരിയ കമ്മിറ്റിയുടെ നേതൃത്വത്തിൽ അൽ അമൽ ഹോസ്പിറ്റലിന്റെ സഹകരണത്തോടെ ഹമദ് ടൗൺ അൽ അമൽ ഹോസ്പിറ്റലിൽ മൂന്നു ദിവസം നീണ്ടുനിന്ന മെഗാ മെഡിക്കൽ ക്യാമ്പ് നടത്തി. 200ൽപരം പ്രവാസികൾ പ്രയോജനപ്പെടുത്തിയ ക്യാമ്പ് കെ.പി.എ പ്രസിഡന്റ് നിസാർ കൊല്ലം ഉദ്ഘാടനം ചെയ്തു. കാൻസർ കെയർ ഗ്രൂപ് പ്രസിഡന്റ് ഡോ. പി.വി. ചെറിയാൻ മുഖ്യാതിഥി ആയിരുന്നു. ഹമദ് ടൗൺ ഏരിയ പ്രസിഡന്റ് പ്രദീപ് കുമാർ അധ്യക്ഷത വഹിച്ചു.
സെക്രട്ടറി വിഷ്ണു സ്വാഗതവും ഏരിയ കോഓഡിനേറ്റർ വി.എം. പ്രമോദ് നന്ദിയും പറഞ്ഞു. കെ.പി.എയുടെ ഉപഹാരം ജനറൽ സെക്രട്ടറി ജഗത് കൃഷ്ണകുമാർ അൽ അമൽ ഹോസ്പിറ്റൽ ജനറൽ ഫിസിഷൻ ഡോ. രാധിക ലക്ഷ്മിക്ക് കൈമാറി.
ഹോസ്പിറ്റൽ സി.ഇ.ഒ ഡോ. ന്യൂട്ടൻ എഡ്വേർഡ് ദാസ്, ബി.ഡി.ഒ സുജാതൻ, അഡ്മിനിസ്ട്രേറ്റർ റജി ഹബീബ്, പി.ആർ.ഒ അബ്ദുൽ ബാസിത്, കെ.പി.എ ട്രഷറർ രാജ് കൃഷ്ണൻ, സീനിയർ മെംബർ അജികുമാർ, ഏരിയ കോഓഡിനേറ്റർ അജിത് ബാബു, ജോ. സെക്രട്ടറി മുഹമ്മദ് റാഫി എന്നിവർ ആശംസകൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.